"Алҕаа миигин, доҕоруом..." диэн саҥа испиктээкил сүрэхтэннэ
Главное
-
24 февраля в 10:25Семь школ планируется ввести в Якутии в 2026 году
-
24 февраля в 09:51Более 6,7 тысяч молодых якутян охвачены мероприятиями Мультимедийного парка "Здоровье"
-
24 февраля в 09:16"Алҕаа миигин, доҕоруом..." диэн саҥа испиктээкил сүрэхтэннэ
-
24 февраля в 08:57В Якутии почти 100% детей обеспечены местами в детских садах
"Алҕаа миигин, доҕоруом..." испиктээкил анал байыаннай дьайыы кыттыылаахтарыгар анаммыт аан бастакы туруоруу. Алгыс диэн ааттаах саха ыччата хомуурга түбэһэн Украинаҕа тиийэр. Кини онно тиийэн араас регионнартан кэлбит байыастары кытта бииргэ сулууспалыыр. Үүнэр көлүөнэ тыйаатырын артыыһа Илья Яковлев Сындыыс диэн ыҥырар ааттаах байыас оруолун толорор.
Илья Яковлев, СӨ Үүнэр көлүөнэ тыйаатырын артыыһа: "Дойдубар бэриниилээх буоларым быһыытынан бу оруолу толоруу мин клыаатым буолар. Киинэ, испиктээкило нөҥүө норуокка тиэрдээөиҥҥэ көмөлөһөбүн".
2022 сыллаахтан анал байыаннай дьайыыга Украинаҕа Саха сириттэн уонунан тыһыынча уол барбыта. Эр дьоммут, уолаттарбыт күүстээх санаалаах, үрдүк сиэрдээх-майгылаах, хорсун байыастар быһыытынан билэллэр. Кинилэр албан ааттарын Саха сириттэн төрүттээх 12 Арассыыйа Дьоруойа ааттатар.
Анна Флегонтова сүрүн оруолу толорор, кини Алгыс ийэтин оонньуур. Саха сирин ийэлэрэ оҕолорун, кэргэттэрин туһугар төһө кыалларынан күүс-көмө буолаллар, сиэккэ өрөллөр, баһыылка таҥас-сап, ас-үөл хомуйан ыыталлар.
Анна Флегонтова, СӨ Үүнэр көлүөнэ тыйаатырын артыыската: "Хас биирдии оҕо ийэтин туһугар ыалдьар. Оҕотун кэтэһэр, оҕотун туһугар ыалдьар, тугу кыайарынан көмөлөһө сатыыр ийэ уобараһын толоробун".
Исипктээкилгэ дойдубут араас норуоттара бэйэ икки ардыгар доҕордуу сыһыаннарын, хорсун быһыыларын туһунан ойуулуур. Туруоруу сүрүн санаата биһиги байыастарбытыгар норуот түмсүүтэ, төрүт үгэс, дойдуга таптал уонна доҕордоһуу күүс-көмө, өйөбүл-тирэх буолар диэн этэр.
Александр Титигиров, СӨ Үүнэр көлүөнэ тыйаатырын сүрүн режиссёра: "Билигин буола турар быһыыны-майгыны оҕолор көрдөрөр-иһитиннэрэр эйгэттэн билэ сыдьаллар, ыарахаттар бааллар. Ыччат көрүөхтээх, билиэхтээх диэн санаанан салайтаран бу испиктээкили туруордубут".
Айымньы саха байыастарын олохторун толук ууран туран хорсун быһыыларын үйэтитэр сыаллаах, итиэнэ дойду үрдүнэн Норуоттар сомоҕолоһууларын сылыгар ананар. Испиктээкил үүнэр көлүөнэ тыйаатырын репертуарын биир бэлиэ суолталаах туруоруутунан буолуоҕа.
