Дьокуускайга саҥа кэлбит "Волгобас" оптуобустар сырыыга таҕыстылар

Аҕыйах хонуктааҕыта кэлбит саҥа "Волгобас" оптуобустар номнуо Дьокуускай маршруттарыгар таҕысталар. Таһыттан көрдөххө быдан уһун, уруккулардааҕар намыһах. Тас көстүүтэ мааны.

«Оптуобуһу ис өттүттэн сиһилии көрөөрү анаан бүтэһик тохтобулга кэллибит. Көстөрүн курдук киэҥ-куоҥ, саамай сүрүнэ, оҕо уонна доруобуйаларынан хааччахтаах дьон кэлээскэлэрин туруорар сирдээх», - Мария Дмитриева, корреспондент.

Оптуобус айанныыр кэмэ кэллэ. Дьон сыыйа киирэн, олоруналлар. Аа-дьуо хоҥнон, айаннааннаабытынан барабыт. Саҥа саҥа курдук айанныырга олус табыгастаах. Дьон сэргэ эмиэ ону бэлиэтиир.

Бу оптуобустар Саха сиригэр анаан таҥыллыбыттар. Анныта икки хос уонна эбии оһохтор турбуттар. Онон кыһыҥҥы өттүгэр сылаас буолуохтаах. Аны сайын кондиционердары холбуохтара. Номнуо хас да тохтобулу айаннаатыбыт, син элбэх киһи киирдэ. Оптуобус олоҕо элбэх уонна киэҥ буолан үтүрүһүү – анньыһыы суох.

"Оптуобуспут олус сымнаҕастык айанныыр эбит. Маны суоппар көлүөһэтэ улаханыттан диэн этэр. Олорсон иһээччигэ сып-сырдык, кип-киэҥ", - Мария Дмитриева,корреспондент.

Бу курдук саҥа көлө билигин түөрт маршрутка таҕыста. Ол курдук 7, 41, 20 уонна 12 нүөмэрдээх сырыыларга. Барыта 50 оптуобус кэлбитэ. Манан олох эргэлэри солбуйуохтара итиэннэ маршрут оптуобуһун ахсаанын эбиэхтэрэ. 

Егор Алексеев, Дьокуускайдааҕы суол-иис уонна транспорт сулууспатын салайааччы: "14 оптуобус куорат маршруттарыгар үлэҕэ таҕыстылар. Хаалбыт көлөлөргө уопсастыбаннай тырааныспарга ирдэнэр оборуудабанньа туруорулла, таҥылла сылдьар. Ону тэҥэ суоппардары үөрэтэбит, стажировкалыыбыт. Нэдиэлэ бүтүөр диэри өссө 6 оптуобус үлэҕэ тахсыа диэн эрэнэбит".

"Волгобас" диэн автобустар "Олохха-дьаһахха аналлаах инфраструктура" национальнай бырайак чэрчитинэн ылыллан кэллилэр.