Дьокуускай куоракка үлэтэ суох киһи ахсаана ааспыт сылы кытта тэҥнээтэххэ икки бүк кэриҥэ эбилиннэ

Надежда Афанасьева ааспыт күһүн дьиэ кэргэнинэн Бүлүү улууһуттан Дьокуускайга көһөн кэлбит. 4 оҕолоох ыал, аҕалара анал байыаннай дьайыы кыттыылааҕа. Надежда бэйэтэ үөрэҕирии эйгэтигэр 20 сыл үлэлээбит. Дьарыктаах буолуу киинигэр кэлэн учуокка туран, билигин баар үлэ миэстэтин испииһэгин кытта билсэр.

Надежда Афанасьева, үлэ көрдөнөөччү: «Вакансия бэһэҕээ көрбүппүнэн 596 баар этэ. Ону сыымайдаан көрбүтүм, бары сфера өттүнэн баар».

Бүгүҥҥү күҥҥэ киин куоракка үлэтэ суоҕунан 1300-тэн тахса киһи учуокка турарыттан, биир тыһыынча кэриҥэ киһи үлэтэ суох диэн статустаах. Аспыт сылы кытта тэҥнээтээххэ үлэтэ суох киһи ахсаана 42 бырыһыаныан элбээбит.

Мария Слепцова, Дьокуускай куорат  нэһилиэнньэтин дьарыктаах буолууга киинин салайааччы: «Үлэ биэрээччилэр иһитиннэриилэринэн, отчуоттаабыттарынан уопсайа 28 тэрилтэ 562 үлэ миэстэлээх уонна үлэһиттэр саамай улахан сокращение буоларын туһунан ФАПК "Якутия" уонна налоговай сулууспа иһитиннэрбит».

Отон үлэ миэстэтин туһунан этэр эбит буоллахха, балтараа тыһыынча кэриҥэ вакансия баарыттан, улахан аҥара рабочай идэлэр. Ол курдук суоппар, харабыл, муоста сууйааччы, официаннар, повардар  наадалар. Онтон исписэлиистэртэн ордук инженердар, программистар, булгаахтырдар ирдэнэллэр. Үлэ көрдөнөөччү кииҥҥэ кэлэн сайабылыанньатын "Работа в России" портал нөҥүө биэрэр, ол кэнэ киниэхэ тус куратор сыһыарыллан үлэ көрдүүрүгэр көмөлөһөр.

Татьяна Алексеева, "Моя карьера" салаа салайааччыта: «Куратор профилирование оҥорор уопутун көрөн уонна тус былаан оҥорор».

Нэһилиэнньэ кэккэ араҥатын чуолаан инбэлииттэри, анал байыаннай дьайыы кыттыылааҕын үлэ биэрээччи хааччыйар түгэнигэр 200-кэ тыһыынчаҕа диэри үбүн төннөрөр кыахтанар.