Оҕону тиэйиигэ кэһии иһин миэрэ кытаатар

“Бу сылтан суолга-иискэ уларыйыытар киирэннэр киин куоракка “Болҕойуҥ, оҕолор” диэн сэрэтэр тэрээһин ыытыллар. Сүрүн болҕомто оҕо кириэһилэтигэр уураллар”, - Анастасия Добрянцева, корреспондент.

2025 сыл ахсынньы ый бүтэһик күннэригэр дойду Президенэ Владимир Путин оҕону тиэйиигэ кэһии ыстараабын улаатыннарар туһунан суокуоҥҥа илии баттаабыта. Саҥа ыстыраабынан төлөбүр тохсунньу ый 9 күнүттэн олоххо киирбитэ.

Филипп Тырылгин, СӨ ИДьМ суолга куттал суох буолуутун хааччыйар иниспиэксийэтин сырдатар-тарҕатар салаатын иниспиэктэрэ: «Улахан административнай эппэтиэтинэһи оҕону таһыыга уурулунна. Ол курдук эрдэ 3 000 солкуобай ыстараабы төлүүр буоллахтарына, бу сылтан 5 000 буолла. Сыл саҕаланыаҕыттан 250 суоппар ыстарааптанна».

Билигин суол инисипиэктэрдэрэ күннэтэ күүһүрдүллүбүт эрэһииминэн, оҕо олордо сылдьар суоппардарга болҕомтолорун уураллар. Физическэй сирэйдэргэ ыстыраап 5 000 солкуобайга тэҥнэспит, дуоһунастаах сирэйдэргэ ыстыраап  50 000 солкуобай, онтон юридическай сирэйдэргэ ыстыраап олох даҕаны 200 000 солкуобай буолла.

Бу күн профилактическай риэйдэҕэ гаи иниспиэктэрдэрэ суоппардарга анал  сэрэтэр, үөрэтэр кумааҕы иһитиннэриилэри илиилэригэр туттардылар. Манна оҕо массыынаҕа олорор олбоҕо хайдах туруоруллуохтааҕа, кыра киһини хайдах сөпкө олордуу туһунан сүбэлэр бааллар. Холобур, Дьокуускай куорат олохтооҕо Дэн Кузьмин бүгүҥҥү профилактическай тэрээһиҥҥэ ГАИ иниспиэктэрдэриттэн маннык иһитиннэриини тутта.

Дэн Кузьмин, суоппар: «Мин бэйэм 3 оҕолоохпун. Кириэһилэлэрим бааллар, наар илдьэ сылдьабын».

Онтон манна даҕатан эттэххэ, өрөспүүбүлүкэҕэ суол саахала тахсара уҕараабат. Бу саҥа сыл саҕаланыаҕыттан номнуо 109  суол саахала таҕыста, онно хомойуох иһин 2 киһи суорума суоланна. Билигин, иниспиэктэрдэр бэлиэтээн этэллэринэн,  кыһыҥҥы кэмҥэ ордук суолга оһол тахсара үксүүр.

Николай Иванов, Дьокуускай куорат суолга куттал суох буолуутун хааччыйар инспекция судаарыстыбаннай иниспиэктэрэ, полиция лейтенана: «Туманнаах кэмҥэ массыына икки ардынааҕы арыты тутуспаттар. Айан суолларыгар наһаа түргэнник айаныыллар. Утары суолга тахсан биэрэн үгүс саахал тахсар».

Онтон манна чопчулаан эттэххэ, «Болҕойуҥ, оҕолор” аахсыйа бу ый устата ыытыллыаҕа.