Арассыыйаҕа Ыксаллаах быһыы-майгы министиэристибэтэ төрүттэммитэ 35 сыла

Дойду таһымнаах Ыксаллаах быһыы-майгы министиэристибэтин миниистирэ Вячеслав Куренков эҕэрдэ тыллара этиллэннэр үбүлүөйдээх даата тэрээһинэ саҕаланар. 35 сыллааҕыта Саха сиригэр айылҕа содулуттан,  дьону быыһааһын аналлаах тэриллиитэ үөскээбитэ. Бу кэмтэн ыла Арассыыйа анал салалтыгар диэри тиийэ үүнэн, билигин Дойду таһымыгар Арктика усулуобуйатыгар үчүгэй үлэлээҕинэн ааҕыллар биэдимистибэбит буолар.

Дьоро күн Юрий Гагарин аатынан култуура уораҕайыгар күннэтэ олохторун кэрэйбэккэ сулууспалыыр дьон,  үлэлэригэр үтүө суобастаахтык, бэриниилээхтик үлэлээбит дьоҥҥо наҕаараадалар, мэттэллэр, билиэлэр туттарыллынныллар. Хаҥалас улууһун алын суудууналарга инспиекцията саамай үрдүкү дойду Президенэ Владимир Путин махтал суругун туттуллар.

Андрей Сафонов, ЫБММ СӨ салаатын алын суудуналарга иниспиэксийэтин судаарыстыбыннай иниспиэктэрэ: «Биһи подразделениябыт өрөспүүбүлүкэҕэ үһүс буоллубут. Владимир Владимирович Путинтан махтал суругу ыллыбыт».

Ууга, сиргэ, халлааҥҥа Ыксаллаах быһыы-майгы министиэристибэтин үлэһиттэрэ инникки күөҥҥэ. Халаан, баһаар буоллун, саамай бастакынан кинилэр-быыһааччылар кэлэллэр. 35 сыл устата 100 тыһыынчаттан тахса быһыылааны уҕарыттыллар, тыһынча киһи олоҕун быыһаатылар. Бу дьоро күҥҥэ министиэристибэ быыстапката дьон болҕомтотун тарта.

Сыллата МЧС материальнай-техническай хааччыллыыта хаҥныыр. Быйыл 50-ча тиэхиникэ арааһа уонна бу халлаанынан дайар дроннар, көтөр ааллар кэлбиттэрэ. Холобура, СуперКам 350 диэн ааттаах беспилотник.

Николай Ефимов, РФ ЫБММ Саха сиринээҕи салалтатын кыра көтөр ааллары көрөр-хонтуруоллуур анал бөлөҕүн салайааччыта: «Былаан быһыытынан 4-5 чаас үлэлиэхтээх. 120 км дылы видео көрдөрөр. Өрүс туругун, муус хамсааһынын кэтииргэ туттуохпут диэн былаанныыбыт».

Быйыл Ыксаллаах быһыы майгы министиэристибэтэ тэриллибитэ 35 сылын кытары, Арассыыйа үрдүнэн тохсунньу бүтэһик нэдиэлэтигэр быыһааччы күнэ бэлиэтэннэ. Бу күн Саха сирин быыһыыр сулууспата эмиэ улэһиттэрин эҕэрдэлээтэ, бэлиэтээтэ. Күннэтэ бэйэлэрин олохторун кэрэйбэккэ үлэлиир дьонтон биирдэстэрэ, водолаз идэлээх Виталий Николаев бу сыл этэҥҥэ түмүктэммитин үлэтин торумун кэпсээтэ.

Виталий Николаев, СӨ быыһыыр сулууспатын водолазнай бөлөҕүн водолааһа: «20 миэтэрэҕэ дылы киирэбин. Оборудобанньалаах уонна гидрокөстүүмнээх киирэбит, үчүгэйдик сырыттахха 30 мүн. сылдьыахха сөп».

Онтон манна даҕатан эттэххэ, быыһыыр сулууспа 48 тактическай үөрэтиилэри, 1200-тан тасха риэйдэбэй тэрэһиннэри, 40000 киһи кыттыылаах үлэни ыттыллар.