Саха сиригэр "Төрүт дойду - Арассыыйа күүһэ" пуорум киэн далааһыннаахтык ааста

Дойду Президиэнэ Владимир Путин сорудаҕынан тэриллибит Бүтүн Арассыыйатааҕы пуорум үһүс төгүлүн ыытыллар. Бу пуорум бэйэни салайыныыга анаммыт улахан суолталаах тэрээһин буолар. Манна баһылыктар үлэлэрин сайыннарыыга, олохтоох бэйэни салайаныыга уонна да атын тоҕостоох боппуруостары, кыһалҕалары ырытыһаллар.

Степан Саргыдаев, Чурапчы улууһун баһылыга: «Анал байыаннай дьайыы бара турар кэмигэр хас биирдии Арассыыйа норуота бары түмсэммит уонна бэйэни салайына сылдьар нэһилиэк салалталарыттан саҕалаан былааһы кытта норуот биир буоларыгар дойдубутун бөҕүргэтиэхтээхпит».

Пуорумна бары баһылыктар түмсэн уопут атастаһаллар. Хас биирдии куорат салайааччыта бары хайысхалары таарыйан, бэйэтин көрүүтүн, саҥа бырайыактарын, үлэтин-хамнаһын билиһиннэрэр.

Александр Мудров, Нижегородскай уобалас "Городецкай" МТ бэйэ салайыныытын баһылыга: «Во-первых, увидеть практики местные, которые здесь реализуются и которые мы можем перенять себе. Во-вторых, это возможность общения с коллегами, которые приезжают из всех других регионов. Это общение бесценно, потому что мы можем не только своим опытом поделиться, но и подглядеть какие-то интересные решения, практики».

Ыалдьыттарага Дьокуускай куорат маастар былаанын билиһиннэрдилэр, куорат бөдөҥ тэрилтэлэригэр сырыттыннардылар. Манна социальнай тутууттан саҕалаан Өлүөнэ муостатын тутууга тиийэ араас хайысхалаах бырайыактары көрдөрдүлэр. Уопсайа маастар былаанынан 90-тан тахса эбийиэк 2030 сылга диэри олоххо киириэхтээх.

Евгений Григорьев, Дьокуускай куорат баһылыга: «Биһиги куораппыт ирбэт тоҥҥо аан дойдуга саамай улахан куорат. Биһиги сыралаах үлэбит түмүгүнэн буолар - күнтэн-күн Дьокуускай куораппыт улаата турара. Биһиги куораппытыгар хайдах уулуссаларбытын ыраастыырбытын көрдөрдүбүт, хайдах “Саюри” тэплииссэлэрэ үлэлииллэрин көрдөрдүбүт. Оскуолаларбыт, уһуйааннарбыт үлэлэрин уонна тутуу хайдах күүскэ барарын кэллиэгэлэрбитигэр көрдөрдүбүт».

Пуорум кэмигэр сүрүн кэпсэтии 33-с федеральнай сокуон тула кэпсэтии, инникитин үлэни сөптөөхтүк тэрийиини торумнустулар. Хас да былассааккана арахсан аһаҕас кэпсэтии, төгүрүк остуол буолла. Кыттааччылар бу күннэр устата элбэҕи, саҥаны биллилэр, уопут атастастылар.

Степан Кузьмин, Амма улууһун баһылыга: «Инникитин маннык түмсэммит, хас биирдии улуустарбытыгар, нэһилиэктэрбитигэр дойду үрдүнэн ыытыллар араас бырагыраамаларга кыттарга бэлэм буолуохтаахпыт».

Кыттааччылар пуорум үлэтин таһынан, саха төрүт култууратын, төрүт үгэстэрин кытта билистилэр. Сорох ыалдьыттар Саха сиригэр саҥа кэлбиттэр, олус диэн сэргээн, махтал тылларын эттилэр. 

Виктор Шестаков, Удмуртия Өрөспүүбүлүкэтин Сарапула куоратын баһылыга: «Бесценные эмоции и впечатления я точно увезу с собой. Когда говорят: «У нас тут потеплело, и всего лишь – 32», это, конечно, забавно нам, жителям Предуралья, слышать. Больше всего вдохновляют люди, которые, невзирая на определенные сложности, готовы работать, развивать свои города, населенные пункты, республику и вообще делать все, чтобы наша страна крепла».

Төрөөбүт дойду сайдарын, кэскиллээх буоларын туһугар маннык тэрээһиннэр олук буолаллар. Сомоҕолоһуу тыынын күүһүрдэллэр.