25 сыл устата тыа хаһаайыстыбатын сайдыытыгар күүстэрин уурбут Бүлүү Лүксүгүннэрэ

11 декабря в 13:13 [?] 56

Главное

11 декабря в 16:32
В Якутске торжественно открыли всероссийский муниципальный форум "Малая Родина - сила России"
11 декабря в 15:55
Реализация мастер-плана Якутска и развитие опорных населённых пунктов. В Правительстве республики состоялось заседание Совета по местному самоуправлению
11 декабря в 15:20
В Якутске около двухсот человек ежегодно обращаются в ожоговый центр с обморожениями
11 декабря в 14:43
В Якутии зимовка скота и лошадей проходит стабильно

102 ыанар ынах уонна 60 субай сүөһү, 3 үөр сылгы Бүлүү улууһун Дьөккөн нэһилиэгин биир тутаах хаһаайыстыбата кыстыкка этэҥҥэ киирдэ. Улууска эрэ буолбакка, бүтүн Өрөспүүбүлүкэ урдунэн таһаарыылаах үлэнэн биллэр Лүксүгүн хаһаайыстыбата быйыл төгүрүк үбүлүөйдээх сыла.

2000 сыллаахха хороҕор муостаахтартан саҕалаан, билигин түргэнник сайдар индюк, кус-хаас, кролик, коза иитиитинэн, мүөттээх ыҥырыа тутааһынынан уонна оҥорон таһаарынан дьарыктанар улахан хаһаайстыбаҕа кубулуйдулар. Ионовтар дьиэ кэргэн бары сыралаах үлэлэрин түмүгэ - атаҕар тирэхтээхтик турар Лүксүгүн хаһаайыстыба төгүрүк сыл устата үлэ үөһүгэр сылдьар.

Сидор Ионов, хаһаайыстыба салайааччыта: «Быйыл 240 туонна оту оттоотубут. Саамай элбэх оттообут оппут. Кыра сиилэс уонна эбиэс ыспыппыт. Үүт таһынан эти кэнсиэрбэлиибит».

2023 сыллахха хаһаайыстыба иһинэн оҥорон таһаарар сыах арыллан үлэҕэ киирбитэ. Билигин манна паарынан оҥоһуллар пастеризацияламмыт үүт, эт кэнсиэрбэтэ оҥоһуллан тахсар. Маныаха 2014 сыллаахха мүөттээх ыҥырыаны иитэн саҕалаан, бу хайысхаҕа эмиэ бэйэлэрин холомуттара. Бастаан уон ийэ ууһуттан саҕалаабыттара.

Сидор Ионов, хаһаайыстыба салайааччыта: «2023 сыллааха 100 пчелосемьяны аҕаламмыт оройуону уонна тыа хаһаайыстыба министиэристибэтин кытта уонна Татарстаны кытта үлэлэһэммит, билигин 60 тахса уйаны кыстатан турабыт».

Ион Ионович кэпсииринэн манан муҥурдамакка өссө боруода аттары иитиинэн дьарыктамыттар. Билигин манна икки үлэһит сүүрүк сыспайдары көрөр-истэр. Уопсайа 5 боруода ат манна эмиэ кыстыы тураллар.

Николай Тосахов, хаһаайыстыба үлэһитэ: «Бу сылгы иккилээҕэр кэлбитэ. Билигин биэнсийэҕэ тахсан син сааһырда, 12-13 буолла. Агротуризм чэрчитинэн оҕолор кэллэхтэринэ хатааһылатар».

Агротуризм хайысхатын Лүксүгүннэр эмиэ сайыннараллар. Сайынын манна үгүс дьон кэлэн сынньанан барар. Салгыы маны сайыннарар соруктаах өссө ыалдьыттар дьиэлэрэ тутуллан саҕаланнылар. Хаһаайсытыба иһигэр кэлбит ыалдьыттар дуоһуйа сынньаналларыгар усулуобуйа барыта тэриллэр.