Бэйэлэрэ кыайан оҕолонор кыаҕа суох ыалга медициинэ көмө буолар

Галина Аммосова доруобуйа харыстабылыгар үлэлээбитэ 25 сыл буолла. Кини идэтинэн эмбриолог быраас. Быйыл үлэлэригэр саҥардыы, кэнэтии үлэтэ ыытыллыбыт. Кииннэ материальнай - техническэй базаны саҥардыбыттар, онон быраастар үлэлииллэригэр өссө табыгыстаах буолбут. Аныгы медицинэ технологиятынан туттуу - ЭКО туолуутун көрдөрүүтэ эмиэ эбиллиннэ диэн быраастар этэллэр.

Галина Аммосова, эмбриолог быраас: «Үлэлииргэ наһаа табыгас уонна саҥа, аныгы аппаратура. Биһиги махталбыт наһаа улахан Администрациябытыгар, Президеммытыгар маннык үчүгэй бу оборудобанньа ылан биэрэннэр Өрөспүүбүлүкэҕэ ЭКО улахан таһымнаахтык үлэлииригэр төрүөт буолбутугар».

Саха сиригэр ЭКО ньыматынан оҕолонуу элбиир. Аҥардас былырыын бу ньыманан 52 оҕо күн сирин көрбүт. Сылын аайы бу көрдөрүү үрдээн иһэр диэн быраастар бэлиэтииллэр.

Жанна Васильева, репродуктолог быраас: «2025 сылга булгуччулаах страховканан 350 ЭКО бырагыраамаламмыта. Онтон бүгүҥҥү күҥҥэ 300-тэн тахсата оҥоһулунна. Бүгүҥҥү күҥҥэ эффективнаһа 30%».

Бастаан бэйэлэрэ кыайан оҕолонор кыаҕа суох ыал олорор сирдэринэн балыыһаҕа оҕоломмот буолуу төрүөттэрин быһаарарга бэрэбиэркэни, чинчийиини ааһаллар. Ол кэннэ быраастар кииннэ ыыталлар. Урукку сылларга бу ньыма төлөбүрдээх эбит буоллаҕына, 2013 сылтан медицинскэй страховканан босхо оҥоһуллар.

Айталина Семёнова, Национальнай медицинэ киинин репродуктивнай технология салаатын сэбиэдиссэйэ: «С 2025 года впервые обратилось к нам больше полутора тысяч человек. А вообще мы приняли около 6000 пациентов. Статистически, по сравнению с прошлыми годами, у нас пациентов становится всё больше и больше. Поскольку мы являемся единственным специализированным отделением в республике, занимающимся проблемами бесплодия. Программа отложенного материнства, то, что женщина незамужняя приходит и замораживает яйцеклетки, мы их стали активно проводить с 2023 года».

ЭКО ньыымата "Дьиэ кэргэн" национальнай бырайыак чэрчитинэн ыытыллар. Быйылгы сылга киин 300-тэн тахса ЭКО процедуратын былааннаан олорор.