"Сулус" бассейн улахан өрөмүөн кэннэ үлэтин саҕалаата

Эти-хааны чэбдигирдэр Сулус киин улахан өрөмүөн кэннэ арыллынна.  Билигин киин  саҥардыллан,  тупсан, кэҥээн дьон-сэргэ сылдьарыгар өссө табыгыстаах буолбут. Манна 25 миэтирэ уһуннаах бассейны өрөмүөннээтилэр, сырдатыы-кэнэтии үлэтин ыыттылар.

Александр Неустроев, "Сулус" эти - хааны чэбдигирдэр киин дириэктэрин солбуйааччы: «2024 сылга ыам ыйын бүтүүтүгэр улахан ваннатыгар авария буолбута. Ол кэнниттэн 1,5 сыл иһигэр өрөмүөннээн үтэрдилэр. Улухан үлэни оҥордулар. Бассейны эрбээн ылан саҥаны оҥортулар».

Дьокуускай куорат олохтооҕо Николай Захаров бассейн үлэтин саҕалаабытын истээт бастакынан кэлбит. Кини бу энэргэ олорор буолан, бассейн арыллыытын өр күүппүт. Мантан ыла харбааһыммын сөргүтэн, нэдиэлэҕэ хаста да дьарыктаныам диэн этэр.

Николай Слепцов, Дьокуускай куорат олохтооҕо: «Доруобай буоларга, киһи үчүгэйдик тыынарын сайыннарар. Улахан, ыраас, сылаас. Барыта үчүгэй».

Оттон бассейн арыллыытын ордук үлэһиттэр күүппүттэр. Светлана Захарова инструктарынан үлэлээбитэ хаһыс да сылыгар барда. Кини оҕолору да улахан да дьоннору дьарыктыыр. Билигин тус бырагыраамабын оҥорон баран,  бөлөҕүнэн дьарыктарбын саҕалыам диэн кэпсиир. Харбааһынынан дьарыктанар киһи ыалдьара аччыыр, иммунитета күүһүрэр диэн этэр.

Светлана Захарова, тренер: «Сөбүлүүбүт аҕай бассеймытын. Улахан түннүктээх, күн тыгар, сылаас. Дириҥэ оҕолорго, саҥа саҕалыыр дьоҥҥо табыгастаах».

Маны сэргэ, "Сулус" эти-хааны чэбдигирдэр кииҥҥэ кыһыҥҥы каток үлэлиир. Чөл олоҕу тутуһуу, эти-хааны көрүнүү кэнники сылларга нэһилиэнньэ ортотугар киэҥник биһирэнэр буолла, онон дьон сылдьыыта көхтөөх буолуо диэн эрэнэллэр.