Өрөспүүбүлүкэ үрдүнэн баһаары сэрэтэр үлэни күүһүрдэллэр
Главное
-
11 июня в 03:31Состоялось Годовое Общее собрание акционеров АЛРОСА
-
11 июня в 02:56Мошенничество и использование подложного документа. Прокуратура республики сообщает о происшествиях за сутки
-
11 июня в 00:30Прогноз погоды в Якутии на 11 июня
-
10 июня в 15:30График отключения электроэнергии и водоснабжения в Якутске на 11 июня
Баһаары умулларардааҕар сэрэтэр ордук. Ыксаллаах быһыы-майгы министиэристибэтин баһаары сэрэтэр салаатын иниспиэктэрдэрэ элбэх кыбартыралаах мас дьиэлэргэ риэйдэлирэрин тиһигин быспакка ыыталлар. Олохтоохторго тус бэйэлэригэр кэпсээн-ипсээн, уоттан сэрэхтээх буолуу быраабылаларын өйдөтөр быдан ордук диэн исписэлиистэр тоһоҕолоон этэллэр.
Ким Кузьмин, СӨ ЫБММ Дьокуускайдааҕы баһаары утары кэтиир сулууспатын иниспиэктэрэ: «ЫБММ сэрэтэр уонна кэтиир салаатын үлэһиттэрэ күн ахсын элбэх кыбартыыралаах мас дьиэ олохтоохторун кытары баһаартан сэрэхтээх буоларга үлэлэри ыытабыт. Статистика көрдөрөрүнэн бу сыл саҕаланыаҕыттан бу күҥҥэ диэри куорат үрдүнэн 598 баһаар бигэргитилиннэ. Баһаардар үксэ олорор дьиэҕэ буолбуттарына бэлиэтэннэ».
Бүгүҥҥү сэрэтэр - профилактическай тэрээһин Дьокуускай куорат Пионерскай уулуссатыгар ааста. Тустаах оройуоҥҥа мас тутуулар үгүстэр. Иниспиэктэрдэр элбэх кыбартыыралаах дьиэ иһин, подьеһыгар баар уот ситимнэрин көрдүлэр. Баһаары тутатына сэрэтэр АДПИ
оборуудабанньаларын көрдүлэр. Билигин таһырдьа тымныйан, үгүс ыал ититэр эбии тэриллэрин туттар буоланнар, уот туруутун көрдөрүүтэ үрдүүрэ бэлиэтэнэр.
Зинаида Дьяконова, СӨ ЫБММ пресс сулууспатын сүрүннүүр иниспиэктэрэ: «Статистика көрдөрөрүнэн, өрөспүүблүлүкэ үрдүнэн 1571 баһаар буолбута бигэргэнэр. Баһаардар үксэ олорор дьиэҕэ буолбуттара. Баһаардарга 63 киһи эчэйиини ылла, 44 киһи хомойуох иһин олохтон туораата. Баһаар тахсыбыт сүрүн биричиинэлэрэ үксүгэр уот ситимиттэн уонна арыгы содулуттан буолаллар».
Чахчы статистика көрдөрүүтэ сыспат. Уоту сэрэҕэ суох туттууттан, аһыы утах содулуттан ааспыт нэдиэлэ түмүктэниитэ киин куоракка Халтурина уулусса 67/3 икки этээстээх, элбэх кыбартыыралаах мас дьиэтигэр баһаар тахсыбыта.
Хомойуох иһин, бу баһаарга эр киһи уонна 11, 14 саастаах уолаттар күн сириттэн күрэнниллэр. Оттон бу умайбыт дьиэ 2017 сыллаахха хаарбаах туруктааҕынан ааҕыллыбыта. Бу дьыалыаны силиэстийэлиир кэмитиэт хонтуруолга тутан олорор. Онтон манна даҕатан эттэххэ, профилактическай риэйдэлэр күүһүрдүллүбүт эрэһииминэн бара тураллар.
