Сылга 600 тахса полиция үлэһитэ идэтин таһымын үрдэтэр

Өлүөхүмэттэн төрүттээх Кирилл Ким балаҕан ыйын 1 күнүттэн тустаах кииҥҥэ үөрэтиини ааһа сылдьар. Билигин кини биир саамай сөбүлүүр үөрэҕэ  ытыы буолан турар. Уһуйааччы этэрин, үөрэтэрин барытын болҕомтолоохтук истэн, ытыыга үчүгэйдэр кэккэлэригэр сылдьар. Онтон кини кыра эрдэҕиттэн ис дьыала уораганнарын үлэһитэ буолар баҕалааҕа.

Кирилл Ким, Дьокуускайдааҕы патрульнай-постовой сулууспа үлэһитэ, полиция алын сержаана: "Кыра оҕо эрдэхпиттэн полицейскай буолар баҕалааҕым. Армияттан кэлэн баран үлэлии киирбитим. Сүрүннээн  ытыы, эт-хаан өттүнэн бэлэм буолуу курдук хайысхаларга эрчиллэбит". 

Ис дьыала уорганнарын идэлэрин үөрэтэр киин 88 сыл аннараа өттүгэр үлэтин саҕалаабыта. Оччолорго 1937 сыллардаахха оробуочай -крестьянскай милииссийэлэри үөрэтэллэрэ. Билигин тустаах киин үйэ кэриҥэ историялаах улахан тэрилтэ буолар. Сыллата манна 600-650 полиция үлэһиттэрэ үөрэнэн ааһаллар. Сыллата үлэ усулуобуйата тупсар диэн полиция подполковнига Иван Колмогоров кэпсиир.

Иван Колмогоров, СӨ ИДьМ идэҕэ бэлэмниир киинин бойобуой уонна физическай бэлэмнэниигэ уһуйааччыта, полиция подполковнига: "Спорткомплекс арылынна, 25 миэтэр услатаах тирдаахпыт. Ону таһынан тиэргэммит 8 гектар. Онон таһырдьа 5 ытар полигоннаахпыт. Бэстэлиэтинэн ытыыга, граната быраҕыыга барыта тэриллэн турар".

Сыллата уһуйааччылар үөрэтэр таһымнарын үрдэтэллэр. Билигин манна уопсайа 17 уһуйааччы уонна 2 үөрэтэр бөлөх  полиция үлэһиттэрин идэлэрин чочуйар. 

"Маны таһынан үөрэтиилэр таһырдьа ааһаллар. Холобур, билигин эһиги иннигитигэр сержаннар дьарык ааһаллар", - Анастасия Добрянцева, корреспондент.

Полиция капитана Илья Попов тымныыны тымныы,тыалы тыал диэбэккэ  күннэтэ таһырда анал тактическай үөрэтиилэри ыытар. Манна, холобур, маассабай бэрээдэги кэһиини утары дьарыктар ааһа тураллар.

Илья Попов, СӨ ИДьМ идэҕэ бэлэмниир киинин анал үөрэхтэргэ уһуйааччыта, полиция хаппытаана: "Бобойуой турууну үөрэттибит. Ханнык хамаандалар баалларын биллилэр. Онон ыксаллаах түгэн тирээтэҕинэ миэрэлэргэ үөрэннилэр. Практикаҕа ордук ылыналлар".

Манна билигин үөрэтиилэр балаҕан ыйын 1 күнүттэн ахсынньы ый 19 диэри ааһаллар. Салгыы атын бөлөх кэлэн идэтин чочуйуо.