Булт сокуонун кэһээччилэри бэрэбиэркэлииллэр

Булт иниспиэктэрдэрэ күһүҥҥү хара тыаны маныыллар. Билигин туйахтаахтарга, мас көтөрдөрүгэр, куобахха булт кэмэ үгэннээн турар. Ону кытары тэҥҥэ риэйдэбэй-оперативнай тэрээһиннэр күүһүрэллэр. Булт салалататын үлэһиттэрэ билигин "фара" уотунан уонна түүҥҥү сырдатар тэриллэринэн бултаһар сааһыттарга улахан болҕомтолорун уураллар.

Иннокентий Семёнов, : “Араас хайысханан хас да биригээдэ үлэлии сылдьар. Билигин туртас уонна куобах сырдык уокка үчүчгэйдик киирэрэ. Оттон итинник бултааһын улахан кэһии. Итиннэ бултуур көҥүлү быһыыттан саҕалаан холуобунай дьыалаҕа диэри буолуон сөп”.

Чахчы, статистика чахчыта көрдөрөрүнэн билигин өрөспүүбүлүкэ үрдүнэн булт сокуонун кэһээччилэргэ номнуо 100 административнай дьыала көбүтүлүннэ.

Иннокентий Слепцов, : “Сылын ахсын 200 тахса административнай буруйу кэһии тахсар. Сүрүннээн туйахтаах кыылы көҥүлэ суох бултааһыны тутабыт”.

Онон булт сокуона сыллата кытаатар. Холобур, билигин бултуурга анал билиэти ыларга аны бу эйгэ сокуонун ылы-чып билиэхтээххин. Саҕалааччы булчуттар аны мантан ыла эксээмэн туттараллар, маныаха билиэттэрин былдьаппыт дьон эмиэ. Маннык улахан уларыйыы бу хайысхаҕа бэрэдээктиир сыаллаах-соруктаах, итиэннэ сааһыттар эппиэтинэстээх, быраабыланы, сокуону билэллэригэр туһуланар. Маныаха бу эйгэҕэ өссө биир суолталаах уларыйыы киирдэ.

Владимир Решетников, СӨ булт департаменын салайааччыта: “Тохусунньу 1 күнүттэн электроннай булт билиэтэ диэн киирбитэ. Кумааҕынан билиэти баҕалаах эрэ буоллаҕына ылар. Сүрүн билиэтэ электроннай буолар”.

Сыл саҕаланыаҕыттан бу күҥҥэ диэри уопсайа 2500 кэриҥэ киһи булт билиэттэрин ыллылар.Тустаах биэдэмистибэ иһитиннэрэринэн сылга ортотунан  3000-3500 билиэт бэриллэр. Билигин сокуон кыттаатта, урукку кэмнэргэ сайыбылыанньа эрэ суруйан баран докумуоннанан хаалар эбит буоллахха, күн бүгүн булт ирдэбиллэрин булчуттар билиэх тустаахтар.