Өрөспүүбүлүкэтээҕи 2№-дээх балыыһаҕа материальнай-техническэй хаччыллыы саҥардыллар

Өрөспүүбүлүкэтээҕи 2 нүөмэрдээх балыыһаҕа - суһал көмөнү оҥорор Кииҥҥэ 2 саҥа рентген аппарат кэлэн сотору кэминэн үлэлиэҕэ. Билигин биир аппараты лучевой диагностика киинигэр, биири травмпууҥҥа таҥан бэлэмнии сылдьаллар. Туһааннаах кабинеттарга өрөмүөн үлэтэ ситэн-хотон эрэр. Роман Слепцов бу балыыһаҕа рентген-лаборанынан үлэлээбитэ быданнаата. Билигин лабораннар саҥа оборудованиеҕа үлэлииргэ инструктаж бара сылдьаллар.

Роман Слепцов, рентген-лаборант: «Урут былыргылыы пленканан оҥорор этибит. Билигин цифровой буолан ынырык түргэн».

Саҥа оборудование чуолаан бу көрүҥэ Саха сиригэр суох. Онон манна аан бастакытын турар. Техникэ Арассыыйаҕа оҥоһуллан тахсыбыт. Собуот инженердэрэ анаан-минээн кэлэн оборудованиены таҥан туруоран биэрдилэр, итиэннэ лабораннары үөрэтэллэр. Ол курдук, тиэхиникэ ымпыгын-чымпыгын көрдөрөллөр, быһаараллар.  

Евгений Ершов, медицинскэй техникэ отделын салайааччы: «Аппарат хайдах үлэлиирин, дьоннору хайдах сытыаралларын, хайдах хамсыырын барытын көрдөрөллөр».

Өрөспүүбүлүкэтэҕи 2 нүөмэрдээх балыыһа киэҥ хайысхалаах, тыһыынчанан ыарыһаҕы көрөр-истэр, эмтиир буоларынан сибээстээн чуолаан диагностика боппуруоһа тыын суолталаах. Лучевой диагностика Киинэ үлэлээбитэ отуттан тахса сыл буолла. Киин 5 салааҕа арахсан рентген, УЗИ, КТ, МРТ оборуодованиеларга ыарыһахтары көрөн балыыһа бары салааларын кытта ыкса ситимнэхтик үлэлиир, диагностиканан хааччыйар.

Дыгын Попов, лучевой диагностика киинин салайааччы: «Бу иннинэ эргэ аппарат турар этэ. Биһи балыыһабытыгар ханнык аппарат туруорхтааҕын толкуйдаан, бу маннык улахан, сүдү, үчүгэй аппараты атыылаһан туруордубут».

Лучевой диагностика киинин нөҥүө күннэтэ 250 киһи ааһар, нэдиэлэҕэ тыһыынчаттан тахса пациены көрөллөр. Онон биир рентген аппаракка ноҕорууска улахан буолар.

Иван Иванов, СӨ 2N-дээх балыыһатын кылаабынай бырааһа: «В скором времени мы его запустим, нагрузка на рентген-аппарат снизится, и появится тот самый резерв в случае поломки рентген-аппарата. Соответственно, медпомощь и качество исследований, объем исследований для пациента не изменится, это то, к чему мы стремимся».

Саҥа оборудование туран ыарыһахтары көрүү тэтимирэн, дьоҥҥо-сэргэҕэ көмөнү оҥоруу түргэтиирэ күүтүллэр.