Биологическай ресурсалар дирекциятын үлэһиттэрэ туртастары эбии аһаталларын саҕалаатылар

"Айылҕа оҕолорун" аһатар аналлаах сиргэ эбии аһылык кутуллар. Бу ыйтан саҕалаан биологическай ресурасалар, ураты харыстанар айылҕалаах сирдэр уонна аан айылгылар дирекциятын үлэһиттэрэ туртастары аһатар учаастактарыгар бэлэмнэнии үлэтин саҕалыыллар. Билигин манна кыратык эбии ас, туус турар.

От ыйыгар бу сиргэ эбиэс үүннэриллибитэ. Үлэһиттэр этэллэринэн, ити ыйга олордоллоро, алтынньыга диэри күөҕүнэн турарыгар туһуланар. Маннык олордуулар хас учаастак аайы бааллар.

Иннокентий Семёнов, СӨ Биологическай ресурсаларын, айылҕа ураты харыстанар сирдэрин уонна айылҕа пааркаларын дириэксийэтин дириэксийэтин диэриэктэри солбуйааччы: «Туртас манна кэлэн хаары хаһан сиир, сөбүлүүр астара буолар. Туус уурдубут уонна кыра ас кутан биэрдибит. Хаар түстэҕинэ манна кэлэн бэркэ аһыыллар, бу сирбитин мэлдьи кэтиибит».

Туртастарга ас биэрии тэрээһиннэрэ уон сыллааҕыта саҕаламыттара. Холобура, тустаах Кэнкэмэ ураты харыстанар сиргэ манна 8 миэстэ баар.  Үлэһиттэр күрүөнү-хаһааны оҥоро, өрөмүөннүү сылдьаллар. Куруутун туох тиийбэтин кутан биэрэллэр. Хаартысканан төһө туртас киирэрин кэтиибит диэн исписэлиис  Алина Сидинова кэпсиир.

Алина Сидинова, СӨ биологическай ресурасалар, ураты харыстанар айылҕалаах сирдэр уонна аан айылгылар дирекциятын сүрүннүүр исписэлииһэ: «Мы ставим по территории кормовых угодий фотоловушки, куда заходит более 10 косуль».

Кэнэкэмэ ураты харыстанар, ытык сир 3 гектар иэннээх сиргэ тайаан сытар. Онон кыыл-сүөл манна үгүс. Кыһыҥҥы кэмҥэ, хаар халыҥар эбии аһылык саамай тоҕоостоох. Тоҕо диэтэр туртас аһылыгар бириинчик.

Иннокентий Семёнов, СӨ Биологическай ресурсаларын, айылҕа ураты харыстанар сирдэрин уонна айылҕа пааркаларын дириэксийэтин дириэксийэтин диэриэктэри солбуйааччы: «Тууһаммыт талахтары бэлэмниибит, ону үчүгэй баҕайытык сииллэр». 

Айылҕа эмиэ биир мааныылаах кыылын туртаһы ууһатарга анааммыт тэрээһиннэр бу курдук тиһигэ быһыллыбакка ыытылла тураллар.