Сэрэниҥ, халтараан. Суоппардар сэрэхтээх буолалларыгар туһуламмыт аахсыйа ыытыллынна

Бүлүүлүүр аартыкка, норуокка биллэриини "стеллаҕа" бүгүн киһи толору. Онтон бу боростуой, тимир көлө, суоппар докумуонун эрэ бэрэбиэркэлиир тэрээһин буолбакка, улахан, холбоһуктаах "Сэрэниҥ, халтараан" оперативнай аахсыйа буолар.

Федеральнай таһымнаах Бүлүү суола хас эмит улууһу ситимниир улахан аартык буолар.  Манна күннэтэ сүүһүнэн тимир көлө айанныыр. Статистика хобдох сыыппырата көрдөрөрүнэн сыл саҕаланыаҕыттан бу аартыкка 29 суол саахала таҕыста, онтон хомойуох иһин  7 киһи сырдык тыына быһынна. 62 араас таһымнаах эчэйиилэри ыллыллар. Ол чэрчитинэн бүгүҥҥү аахсыйаҕа киһиэхэ тиийимтиэ, өйдөнүмтүө иһитиннэриилэри илиигэ туттардылар.

Василий Наумов, "Бүлүү" суол салалтатын суол хаһаайыстыбатын салаатын сүрүннүүр эксперэ: «Халтараан буллаҕына туорумас суола төһө уһун буоларын, оҕо эрэмиэнэ хас саастарыттан хайдах көҥүллэнэрин игин туһунан кылгас өйдөбүнньүктэр. Дьон харысхалын туһугар, суох саахаллара кыччыылларын туһугар».

Чахчы билигин күн-дьыл уларыйар кэмигэр, маннык аахсыйалар ыытылаллара тоҕоостоох. ГАИ иниспиэктэрдэрэ бүгүҥҥү тэрээһиҥҥэ массыына кыһыҥҥы эрэһиинэтэ кэтиллибитин бэрэбиэркэлээтилэр. Суоппардар бары уларыттыбаттара билиннэ. Маны кытары тэҥҥэ профилактическай кэпсэтиини ыыттыллар.

Жанна Макарова, СӨ суолга-иискэ сэрэхтээх буолууну хааччыйар сырдатыы үлэтин ыытар инсриэктэрэ: «Ыраах айаҥҥа туруналларыгар болҕомтолоох буолалларын гына. Араас кутталы үөскүтэр маневрдары оҥорботторун гына сэрэтии үлэтин ыытабыт».

Бүгүҥҥү тэрээһиҥҥэ анаан-минээн 100-кэ өйдөбүнньүк иһитиннэриилэр бэчээттэнэн тахсан, түҥэтилинниллэр. Күннэтэ бу суолунан айанныыр суоппардар бу аахсыйа тоҕоостооҕун итиэннэ билигин суолга халтархай буолбутун бэлиэтээтилэр.

Николай, суоппар: «Суол халтараана биллэрэр. Сүрүнэ оскуораскытын көрүнүҥ, уонна көлөһөҕүтүн көрө сылдьын».

Манна даҕатан эттэххэ, сыл саҕаланыаҕыттан 2531 суол саахала таҕыста, онтон хомойуох иһин 21 киһи суорума суолланна. Профилактическай тэрээһиннэр салҕаналлар.