Саха сирин аҕыйах ахсааннаах норуоттарын тыйаатыра 12-с айар дьылын арыйар

Хоту аҕыйах ахсааннаах норуоттар култуураларын, үгэстэрин, тылларын-өстөрүн күн бүгүҥҥэ диэри илдьэ кэлбит тыйаатыр саҥа айар дьылын арыйар. "Кырыыстаах сир" испэктээкили өссө 2019 сыллаахха режиссер Роман Дорофеев туруорбута. Бу туруоруунан тыйаатыр элбэх гостуруолга сырытта, бэстибээллэргэ кытынна. Тыйаатыр 12-с сезонун бу  испэктээкилинэн арыйара мээнэҕэ буолбатах. 

Климент Черёмкин, СӨ хоту аҕыйах ахсааннаах норуоттарын тыйаатырын артыыһа, СӨ култууратын туйгуна: «Хотугу аҕыйах ахсааннаах омуктар ассоциациялара көрдөһүүлэринэн биһи бу испэктээкили таллыбыт. Биһиэхэ Таймыртан 17 киһилээх делегация кэлэ сылдьар, долганнар. Кинилэр көрдөһүүлэринэн “Проклятое стойбище” диэнинэн арыйар буоллубут. Дьиҥ буолбут түгэнтэн номоххо көһөрдөхтөрө».

Алгыс Николаев тыйаатырга үлэлээбитэ 10 сыла буолла. Кини бу испэктээкилгэ биир сүрүн оруолу - Хара ойууну оонньуур. Оруолум ыарахан, ол эрэн бу сылларга оонньоон үөрэнним уонна ылынным диэн этэр.

Алгыс Николаев, СӨ хоту аҕыйах ахсааннаах норуоттарын тыйаатырын артыыһа, СӨ култууратын туйгуна: «Оруолу ааҕаҥҥын, үөрэтэҥҥин бэйэн оҥоруоххун наада. Оонньуу сыраттахха көрөөччү – “Суох инник буолбатах” диэҕин сөп. Ол иһин туох эрэ саҥа соҕус наада. Ол иһин бэйэн искиттэн саҥаны айаҕын, холобур хамсаныытын, туттарын-хаптарын, таҥагыһар-сабыгар диэри».

Юлиана Харлампьева тыйаатыр саҥа айар дьылыгар балетмейстерынан ананна, онон быйылгы сыл олус эппиэтнэстээх уонна долгутуулаах диэн кэпсиир. Оттон бу испэктээкилгэ кини эмиэ биир сүрүн оруолу оонньуур. Оруолум олус интэриэһинэй, бу айымньыны биир тыынынан аахпытым диэн этэр. 

Юлиана Харлампьева, СӨ хоту аҕыйах ахсааннаах норуоттарын тыйаатырын артыыһа: «Интириэһинэй, күлүүлээх жанр буолан дьону күллэрэр ыарахаттардаах соҕус. Гынан баран оруолбар син киирэн оонньуу сылдьабын».

Тыйаатыр Сахабыт сиригэр олорор аҕыйах ахсааннаах норуоттар тылларын араас айымньыны керөөччүгэ бэлэхтиир, хоту норуоттарын биллэр суруйааччыларын айымньыларынан куруук туруорар. Күн бүгүн тыйаатыр репертуарыгар 20-чэ испэктээкиллээх, мантан иккитэ оҕолорго аналлаах.