Бүгүҥүттэн Арассыыйа олохтоохторугар кэккэ уларыйыылар киирдилэр

Бөдөҥ уонна суолталаах уларыйыытартан биирдэстэрэ бүддьүөт үлэһиттэрин хамнаһын былааннаах үрдээһинэ буолар. Ол курдук  доруобуйа харыстабылын федеральнай тэрилтэлэрин үлэһиттэрэ, научнай-чинчийэр киин исписэлиистэрэ, ону тэҥэ архыып, култуура уонна социальнай киин  үлэһиттэрэ хамнастарын акылаатыгар 7.6 бырыһыаны эбии аахсыахтара.   Бу миэрэ байыаннайдарга эмиэ бу ыйтан киириэҕэ. Итини  сэргэ Росгавардия, ИДЬМ, суут бириистэп, бирригэбэри модьуйар сулууспа бэрэстэбиитэллэрэ кэлэр ыйтан үрдээбит хамнаһы ылыахтара. Маны тэҥэ байыаннай пенсиялаахтарга үрдээһин эмиэ 7.6 бырыһыан. Оттон регион уонна муниципалитет бүддьүөтүттэн хамнастанааччыларга үрдээһин суох. Миэстэтигэр олохтоох былаас бэйэтин көрүүтүгэр. 

Атлынньы ый дойдуга "сыыппара харчы" олоххо киирэр биэлиэ кэмэ буолуо. Бастаан федеральнай көмөнү ылааччыларга бу көрүҥ төлөбүрү оҥоруохтара. Ол курдук дьиэ кэргэттэргэ, оҕо күүтэр дьахталларга, кыра дохуоттаах дьоҥҥо, доруобуйаларынан хааччахтаахтарга, пенсиялаахтарга. Ол эрэн бу испииһэк билигин чопчулана сылдьар. Бэлиэтээн этиэххэ наада, саҥа көрүҥ харчыга көһүү бэйэ баҕанан. Номнуо кэлэр сылтан федеральнай көмө төлөбүрүн барытын итиэннэ бүддьүөт үлэһиттэрин хамнаһын уонна пенсияны толору көһөрөрү былаанныыллар.

Аччыгый бизнес уонна бэйэ дьарыктаахтарга уларыйыылар киирдилэр. Бүгүҥҥүттэн кинилэр кредиттарыгар быстах кэмҥэ тохтобулу туһанар бырааптаннылар. Ол курдук сыл аҥаарыгар диэри төлөбүрү  тохтотуохтарын сөп. Маныаха бааҥҥа туһааннаах сайабылыанньаны түһэриэхтэрин наада.

Итини сэргэ бу ыйтан пилота суох көтөр ааллары оҥорор тэрилтэлэр нолуокка чэпчэтиилэри туһаныахатара. Кинилэргэ 30 киилэҕэ диэри ыйааһыннаах дроннары оҥорор буоллахтарына НДС нуулунан ааҕыллыа. Бу көмө миэрэтэ 2027 сылга диэри болдьохтоох.

Гостиница бизнеһын тутааччыларга ноулуоктан босхолонуу 2030 сылга диэри уһаата.

Бу ый22 күнүттэн регионнааҕы микрофинансовай тэрилтэлэр  льготалаах судаарыстыбаннай бырагырааманан ипотеканы биэрэр кыахтаныахтара. Ол курдук Уһук Илиҥҥи, Артикатааҕы, дьиэ кэргэҥҥэ уонна ИТ үлэһиттэргэ көрүллэр ипотекалары биэрэр буолуохтара. Ставка уонна ирдэбили регионнар быһаарыахтара. Россия баана лицензиялаах дьоҕус тэрилтэлэр испииһэкктэрин сотору кэминэн таһаарыа.

Итиэннэ үгэс быһыытынан алтынньы маҥнайгы күнүттэн армия кэккэтигэр ыҥырыы саҕаланар. Манна 18-30 саастарыгар диэри эр дьон хапсаллар.