Саха сирэ судаарыстыбыннас күнүн киэҥ далааһыннаахтык бэлиэтээтэ

35 сыл аннара өттүгэр Саха өрөспүүбүлүкэтин суверенитетын туһунан Декларация ылыллыбыта. Бу историяҕа киирбит докумуон Өрөспүүбүлүкэбит социальнай-экономическай бигэ туруктаах буолуутун, норуот духуобунай сайдыытын түстээбитэ.

Үгэс быһыытынан бу күн Өрөспүүбүлүкэҕэ биир бастыҥ төрүттэспит биллэр дьоммутун ахтан-санаан ыллыбыт, сибэкки дьөрбөтүн уурдубут.

Евгений Григорьев, Дьокуускай куорат баһылыга: «Саха омуга аныгы үйэҕэ кэлэн олороругар судаарыстыбыннас үөскээн, Конституция ылыллан, бэйэбит олохпутун-дьаһахпытын быһаарынан олорорбут сүрдээх үөрүүлээх. Омук быһыытынан биһитини күүһүрдэр, өрө тардар».

Бу бэлиэ күнү эдэр ыччат, үүнэр көлүөнэ, инники кэскилгэ итэҕэллээх буоларыгар, бэйэтин төрөөбүт дойдутун таптыырыгар, киэн туттарыгар үөрэтэр. Олук уурарыгар суолталаах күнүнэн буолар.

Ил Дархан Айсен Николаев бу бэлиэ биир тэҥинэн Өрөспүүбүлүкэбит араас муннугар 10 саҥа тутуулары арыйда. Ол курдук үөрэх кыһата, оҕо уһуйаана, библиотека, суол-иис уонна да атын суолталаах социальнай эбийиэктэр үлэлэрин саҕалаатылар.

Үгэс быһыытынан бу күн Саха сиригэр бастыҥ үлэлээхтэри чиэстээһин буолла. Ил Дархан Айсен Николаев Саха Сирин олохтоохторун Өрөспүүбүлүкэ судаарыстыбаннаһын күнүн эҕэрдэлээн туран, наҕараадалары туттарда.

Николай Парников, "Полярная звезда" бэлиэ хаһаайына: «Мин энергетикаҕа 1971 сылтан үлэлээн кэллим. Бүтэһик дуолунаһым Сахаэнерго генеральнай дириэктэрэ этим. Биһиги Саха сирин 19 улууһугар уотуна уонна сылааһынан хааччыйан олорбуппут».

Чурапчы улууһуттан сылдьар Янценнар дьиэ кэргэн бу күн Төрөппүт албан аата диэн уордьаны тутта. Дьиэ кэргэн быйыл олорбуттара 47 сылыгар барда. Янценнар дьиэ кэргэн олохторун төрүт дойдулара, улуустара сайдарын туһугар үлэлээн кэллилэр.

Андрей уонна Елизавета Янцен, "Родительская слава" бэлиэ хаһаайыттара: «Оҕолорбутун улаатыннарбыппыт, ыал буолбуттара бары. 7 оҕолоохпут, 20 сиэннээхпит. Оҕолорбут үтүөлэринэн, кинилэр ситиһиилэринэн бу наҕараадаҕа тигистибит дии саныыбын».

Саха сирэ Арассыыйа баай историялаах регионнарыттан биирдэстэрэ. Судаарыстыбыннай статустаах Өрөспүүбүлүкэ күн бүгүн дойдуга киллэрэр кылаата – айылҕа баайа эрэ буолбакка, сайдыы туһугар туруулаһар чулуу дьоно.