Саха сиригэр бастакытын аан дойду таһымнах ыытыллар Библиографическэй конгресс үлэтин саҕалаата

Ааспыт үйэ саһарбыт хаһыаттарын аныгы олоххо харыстаан хаалларыы. Бу национальнай библиотека сүрүн сыала. Лаборатория улэһиттэрэ история кырдьыктаах кэрэһиттэрин сканерга түһэрэллэр уонна электроннай варианын сайтка киллэрэллэр.

Прокопий Петров, Информационнай куттал суох буолуутун хааччыйар кииҥҥэ кылаабынай библиотекарь: «Былаан быһыытынан бу 1920 сылтан оҥоһуллубут хаһыаттары электроннай көрүҥнэрин сайка киллэрэбит. Ханнык баҕарар киһи киирэн ааҕыан сөп».

Национальнай библиотека быйыл 100 сааһын бэлиэтиир. Олох сайдыытын тэтиминэн тэҥҥэ уонна инники хардыылыыр. Дойду таһымыгар оҥоруу өйү киллэриигэ бастыҥ саҕалааччы буолар.

Оҥоһуу өй хайа баҕар тиэкиһи сахалыы дорҕоонноохтук ааҕар.  Быйыл  бибилэтиэкэ искусственнай интеллект таҥыытын түмүктээн үлэҕэ киллэрдэ.  Бырайыак 5 хайысханы хабар.

Василий Борисов, СӨ национальнай библиотекатын салайааччытын солбуйааччы: «Бу бибилэтиэкэ үлэтин барытын төһө кыалларынан элбэх хайысханы оҥоһуу өй быһыытынан оҥоро сатыыбыт. Сыыппараҕа көһөрүллүбүт кинигэлэри барыларыттан булан таһаарар. Кинигэлэри эрэ буолбакка, сонуннары, быыстапкалары».

Национальнай  бибилэтиэкэ бу хайысхаҕа үлэлэрэ үрдүктук сыаналанан аан дойдутааҕы Библиографическэй  конгресс Саха Сиригэр ыытыллар. Уопут атастаһа, билиини-көрүүнү кэҥэтэ Дьокуускайга ыытыллар конгреска хас эмэ сүүһүнэн киһи ыалдьыттыы кэллэ.

Август Егоров, Кинигэ национальнай кыһатын салайааччыта: «Арассыыйа бибилэтиэкэрдэригэр биһиги Национальнай бибилэтиэкэбит инники кэккэҕэ сылдьар. Бу Дьокуускайга конгресс тэриллэн бибилэтиэкэ дьыалатыгар аныгы үйэҕэ үлэни хайдах тэрийэбит диэн кэпсэтиилэр барыахтара».

Библиографическэй конгресс Саха сиригэр  бастакытын, онтон аан  дойду таһымыгар 4-с төгүлүн ыытыллар. Бу Иннинэ Москва, Санкт Петербург, Новосибирск курдук улухан куораттарга буолан ааспыта. Онон бу сырыыга Саха сирэ талыллыбыта улахан ситиһии

Денис Шилов, Россиятааҕы национальнай  библиотека библиография отделын салайааччыта (Санкт-Петербург) : «Очень хорошо, что он проходит в разных местах, потому что Библиографический конгресс – это главное профессиональное мероприятие для библиографов. Традиционно библиографические исследования ведутся в библиотеках и, прежде всего, в главных библиотеках регионов».

Конгресс пленарнай мунньаҕар өрөспүүбүлкэ Ил Дарханы кыттыыны ылла. Бу эйгэ сайдыытыгар бүгүҥҥү ыытыллар тэрээһин хайаан да көдьүүстээх буолуо диэн бигэ тылын эттэ. 4  Күн устата эйгэ үлэһиттэригэр араас тэрээһиннэр, төгүрүк остуоллар ыытыллыахтара.