Саха сиригэр "Буойун суолунан" диэн байыаннай-тактическай күрэх саҕаланна

Бу курдук анал экрантан байыаннай күрэхтэһии кыттааччылар - хас биирдии хамасаныыларын көрүөхтэрэ.

Буойун суолунан. Саха сиригэр байыаннай-тактическай күрэхтэһии түмүктүүр түһүмэҕэ саҕаланна. Манна барыта түөрт хамаанда 48 курсант кыттыыны ылар. Нэдиэлэ устата хамаандалар бэйэлэрин дьоҕурдарын, кыахтарын, бэлэмнээхтэрин көрдөрүөхтэрэ,  күөн көрсүөхтэрэ.

Василий Егоров, "Воин" киин дириэктэрэ: «Квадрокоптерынан гранатаны быраҕыы, разброс, барыта баар буолар. Урут “Зарница” диэн буолар этэ. Билигин оҕолорго оборудование биэрэн, лазертагынан ытыалаһарга үөрэнэллэр, бойобуой обстановкаҕа дьиҥнээхтии».

Хас биирдии хамаандаҕа хас да үрдүк таһымнаах, уопуттаах исписиэлиис сыһыарыллыаҕа. Дьүллүүр сүбэ салгынтан дроннар көмөлөрүнэн көрүөхтэрэ. Бу күрэххэ кыттааччылар таҥастара-саптара, түһүмэхтэрэ барыта дьоһуннаах, онон киирсии кытаанах буолуоҕа.

Андраник Гаспарян, Россия Дьоруойа: «На самом деле школа выживания. Дети получают настоящую закалку военную. Скажу, что мы ожидали худшего, что там дети 14-16 лет, они нам еще фору давали нам всем. Поэтому дети очень заряженные эмоционально. Сами смотрим, как этап будет проходить».

Бу ииннинэ кыттаччылар Волгоградскай уобаласка ыытыллыбыт күрэх сүүмэрдиир түһүмэҕэр ситиһилээхтик кыттыбыттара. Түөрт бастыҥ көрдөрүүлээх, күүстээх хамаанда ахсааныгар Саха сирин хамаандата эмиэ киирбитэ.

Кирилл Каратаев, күрэх сүрүн инструктара: «Оҕолор биһи лааҕырбытыгар кэлэн үөрэнэ, сынньана сылдьыбыттара. Олор быыстарыттан талан ылбыппыт. Араас улуустан бааллар. Настройдара бойобуой, туох баалларынан киирсэллэр, сатыылларын барытын көрдөрөллөр. Мин санаабар үчүгэйдик кыттыахтара».

Күрэххэ оҕолор өссө от ыйыттан бэлэмнэнэн саҕалаабыттара, онон санаалара күүстээх, кыайыыга эрэллээхтэр. 

Эрчим Мурашков, "Буойун суолунан" күрэх кыттааччыта: «Хамаандабытыгар 12 киһи баар. Бэлэммит, настройбут үчүгэй».

Күрэх үөрүүлээх арыллыытыгар Ил Дархан Айсен Николаев кыттыыны ылла. Кыттааччыларга ситиһиилэри уонна кыайыыны баҕарда.

Айсен Николаев, СӨ Ил Дархана: "Буойун суолунан" күрэх кыттааччыта: «Соревнования, которые проходят у священных для нас холмов Чочур-Муран, окрылят вас силой, сделают вас такими же непобедимыми воинами, как наши предки, как наши ребята, которые сражаются на СВО. И пусть на соревнованиях победит сильнейший. В добрый путь».

Күрэх кэмигэр кыттааччылары араас таһымнаах тэрээһиннэр күүтэллэр. Нэдиэлэ устата оҕолорго араас үөрэхтэр, маастар-кылаастар ыытыллыахтара. Маны таһынан Арассыыйа Дьоруойдарын, байыаннайдары, бэтэрээннэрин кытта көрсүөхтэрэ, аһаҕас кэпсэтиилэргэ кыттыахтара.