Анал байыаннай дьайыыга сылдьар биир дойдулаахтарбытыгар көмө салҕанар

Бу курдук амарах санаалаах волонтердар байыастарга анаан хомуллубут гуманитарнай көмөнү ыытаары бэлэмнииллэр. Бу көмө өрөспүүбүлүкэ хас да улууһуттан хомуллан кэлбит. Гаврил Павлов ыстаап тэриллиэҕиттэн кэлэн көмөлөһөр. Үлэбит элбэх, гуманитранай көмө, таҥас-сап, мал-сал тохтообокко кэлэ турар диэн этэр.

Гаврил Павлов, волонтёр: «Балыыһаттан эмп аҕаллылар, госпитальга ыытабыт. Уолаттарбытыгар көмө-имэ буолабыт. Дьааһыктары арыйабыт, ааҕабыт, суоттуубут уонна ыйаан баран ыыталыыбыт».

Ыстаапка 40-тэн тахса иистэнньэн баар, ону таһынан ийэлэр, эбээлэр үлэлэрин кэннэ, киэһэ кэлэн көмө буолаллар. Билигин иистэнньэннэр байыастарга анаан күһүҥҥү таҥас тигэ сылдьаллар. Маны таһынан байыастар анал сакаастарын эмиэ ылан үлэлииллэр.

Марта Винокурова, волонтёр: «Бу бэрэбээскэлиир матырыйаал стерильнай буолар. Илиилэрин, атахтарын тоһуннаҕына бэрэбээскэлииллэр. Анал үчүгэй көмөнү ылыар диэри киниэхэ харысхаллаах бастакы көмө баар буолар».

"Якутия с тобой" уопсастыбаннай ыстаап бу сыл саҕаланыаҕыттан барыта уонтан тасха туонна гуманитарнай көмөнү ыытта. Күн бүгүн 800-тэн тахса киилэ гуманитарнай көмө, бараары бэлэм.

Анна Ефимова, “Якутия с тобой” хамсааһын бэрэссэдээтэлэ: «Плащ-палааккалар тигиллэ сылдьаллар, көстүүмнэр. Биһи байыастар санааларын-этиилэрин учуоттуубут, антах сылдьар дьоннор хайдах табыгастааҕын билэллэр. Флис матырыйаал үчүгэйэ диэн тыаһаабат дииллэр уонна сылаас».

Хас биирдии Саха сирин олохтооҕо, улуус, тэрилтэлэр, байыастарга көмөнү тохтообокко ыытар. Бу курдук бары түмсэн анал байыаннай дьайыы кыттыылаахтарыгар бэйэлэрин көмөлөрүн ууран, сэмэй кылааттарын киллэрэллэр.