Саха сиригэр 857 олохтоох оҕолоругар алимент төлөөмөөрү куота сылдьара биллэр

Оҕолорун иитиитигэр кыттыһыан, иэс харчытын төлүөн баҕарбат төрөппүт ахсаана элбэх. Маныаха бүгүҥҥү күҥҥэ 5 тыһыынча дьыала толорууга сылдьар. Саамай элбэх алменҥҥа иэстээхтэр сүрүннээн киин куорат олохтоохторо, салгыы Нүөрүҥгүрү, Миринэй, Лиэнскэй куораттара буолаллар. Уопсай иэс сөҕүмэр элбэх суумма, ол эбэтэр 1 млрд солкуобай. Маныаха, биир төрөппүт ортотунан 180 тыһыынчаттан тахса иэстээх эбит буоллаҕына, сорох дьон иэһэ балтараа мөлүйүөҥҥэ диэри тиийэр.

Алина Сивцева, суут бириистэптэрин федеральнай сулууспатын СӨ салалтатын СМИ кытта үлэҕэ сүрүн эксперт-исписэлииһэ: «Для того чтобы защитить права и законные интересы несовершеннолетних, судебные приставы-исполнители ежедневно принимают все необходимые для этого меры».

Иэстээхтэри кытта үлэ тиһигин быспакка барар. Олортон биирдэстэринэн олорор аадырыстарынан көрдөөһүн буолар. Бу сырыыга икки аадырыска сылдьыбыттарыттан хайатыгар даҕаны буруйдаах аанын арыйбата, биитэр суох буолан биэрдэ.

Суут бириистэптэрин федеральнай сулууспатын Саха сиринээҕи салалтатын дааннайынан, бүгүҥҥү күҥҥэ Саха сирин 857 олохтооҕо оҕолоругар алимент төлөөмөөрү куота сылдьарынан ирдэбилгэ биллэриллибит. Оттон балтараа тыһыынча киһи олох төлөөбөттөр туһааннаах реестрыгар киирбит. Маныаха суут бириистэптэр сайтарыгар туһааннаах рубрикаҕа куотуна сылдьар дьон испииһэгэ баар. Манна билигин 2 киһи туһунан информация тиһиллибит.

Юрий Ларионов, суут бириистэптэрин федеральнай сулууспатын СӨ салалтатын Дьокуускайдааҕы салаатын салайааччытын солбуйааччы: «2025 сыл бастакы аҥарыгар судебнай приставтар сулууспаларыгар 12 тыһ. исполнительнай производство баара, онтон аҥара бу сылга көбүтүллүбүтэ. Билигин уопсайа үлэҕэ 5 тыһ. исполнительнай производство баар. Оҕолорго иэстэрэ 1 млрд солк. тахса. Оҕо быраабын көсмүскээри судебнай приставтар сокуонунан көрүллүбүт миэрэлэри күн ахсын толороллор».

Сыл аайы суутунан алимены анатыы уону төлөөһүнтэн куотунуу көрдөрүүтэ улаатан иһэр. Туһааннах болдьох кэннэ иэһин төлөөбөт түгэнигэр административнай, салгыы холуобунай эппиэтинэскэ тардыллар, оччотугар алименын төлөөбөт төрөппүт күһэлэҥ үлэҕэ биитэр хаайыыга барыан сөп.