Дьокуускайга бөдөҥ археологическай хаһыы салҕанар
Главное
-
20 декабря в 12:29Лучших школьников чествовали на традиционной Ёлке Главы Якутии
-
20 декабря в 12:09Республиканский турнир по шашкам стартовал в Якутске
-
20 декабря в 11:08Сергей Местников: В Якутии проводится системная работа по сохранению и развитию многообразия культур и языков
-
20 декабря в 10:21В Якутске открылся Многофункциональный спортивный зал в микрорайоне "Спортивный"
18-с үйэтээҕи биир бастыҥ булумньу оһуордаах тимир уктаах быһах. Тустаах археологическай хаһыыга бу экспонаты бастакынан булбуттара. Билигин лабораторияҕа ыраастанан, чинчийиини ааһар.
ХИФУ историческай факультетын 4 кууруһун устудьуона Мичийэ Михайлова тустаах археологическай хаһыыга ааспыт сылтан үлэлиир. Былырыын хаһыыга бэйэтигэр сылдьыбыт эбит буоллаҕына, быйыл бу лабораторияҕа булуллубут экспонаттары кытта үлэлиир. Булумньулар үксэ мас оҥоһуктар, ол эрэн хас биирдиилэрэ сыаналаах уонна ураты диир.
Мичийэ Михайлова, ХИФУ историческай факультетын 4 кууруһун устудьуона: «Үксэ барыта мас. Бу интириэһинэй мас иһит. Бастаан тутааҕын булбуппут».
Өссө биир интириэһинэй булумньу туос ыаҕыйа буолар. Маныаха археологтар араас кээмэйдээх хас да туос иһити булбуттар. Уратыта диэн бу сахалыы ньыманан оҥоһуллубатах эбит.
Мичийэ Михайлова, ХИФУ историческай факультетын 4 кууруһун устудьуона: «Нууччалыы оҥоһуллубт туос иһиттэр. Тоҕо диэтэргэ сахалыы туос иһиккэ сиэл туттуллар. Нууччалар кырыйан бэйэтин баайаллар эбэтэр быа».
Күн бүгүн бу археологическай хаһыыга историктар 6 тыһ кэриҥэ предмети булбуттар. Ол иһигэр 14 ураты туос грамоталар, оттон бу аҕыйах күннээҕитэ кумааҕы докумуону буллулар. Билигин тустаах булумньуну хара хоско харайаллар, онон устар бөлөххө көрдөрбөттөр. Археологическай хаһыылар бу сайын устата ыытыллыахтара. Онтон бу лабораторияҕа ыраастанан-таҥыллан түмэлгэ көрдөрүүгэ туруоруллуохтара.
