Муома улууһугар хайаттан сууллубут туристар эвакуацияланан Дьокуускайга туһааннаах көмөнү ылаллар

4 чааһы кыайбат бириэмэнэн бортка эчэйбит туристары олордон Ми-8 бөртөлүөт киин куорат пуордун булла. Манна тутатына "Катастрофа медиссиинэтин" быраастарын массыыната эмсэҕэлээбиттэри көрсөн балыыһаҕа тиэртэ.

Бу маннык  үөһээттэн туристар сууллубуттара. Быһылаан тахсыбытын туһунан тутатына бөлөх салайааччыта быыһыыр сулууспаҕа биллэрэн, 6 киһиттэн турар быыһааччылар этэрээтэ суһаллык көмөҕө туруммута. Бастаан былыттаах буолан бөртөлүөт туристар сытар лааҕырдарыгар сатаан түспэтэх, онтон чаас курдгунан халлаан арыллан быыһыыр тэрээһин саҕаламмыт. 

Валерий Андросов, СӨ быыһыыр сулууспатын 1-кы кылаастаах быыһааччыта, аэромобильнай көрдүүр-быыһыыр этэрээт салайааччыта: «Командирбыт виртуоз диэххэ сөп. Кэлэн бөртөлүөтү ыйаан турда, биһи икки миэтэрэ курдуктан ыстанныбыт уонна төһө кыалларынан түргэнник эвакуациялаатыбыт. Оннук сатамматаҕа буоллар, Ледник Обручева диэн өттүнэн, Пик Победы кэтэҕэр түһэн бараммыт сатыы сүүрэн тахсыахтаах этибит. Онно биир бастыҥ альпиниһым – Николай Макаров бөлөҕү салайыахтаах этэ. Онно тахсаммыт, үөһээнэн ледник устун тахсан, перевалы нөҥүөлээн үөһээттэн ылыахтаах этибит».

Онон вертолет пилота Тимур Бесаев үрдүк маастарыстыбалаах, баай уопуттаах, хайалаах сирдэри үчүгэйдик билэр буолан быыһааччыларга үлэлиир усулуобуйаларын оҥорбут. Эмсэҕэлээбит туристары биир биир вертолетка киллэрэн манна кинилэри тутатына катастрофа медиссиинэтин быраастара бастакы көмөнү оҥорбуттар.

Марина Аронова, Өрөспүүбүлүкэтээҕи катастрофа мэдиссиинэтин киинин суһал диспетчерскэй сулууспатын салайааччыта: «Всем оказана медицинская помощь, сразу по прибытии наши медики оказали помощь, наложили шины, обезболивающие, всё необходимое на борту имелось на тот момент. Наши медицинские работники имеют сертификат по первоначальной подготовке спасателей, потому такие санзадания для нас не являются проблемой, если поступают, то мы отрабатываем в штатном режиме».

Күн бүгүн эмсэҕэлээбит туристарга туһааннаах медиссиинэ көмөтө оҥоһуллар. Туруктара этэҥҥэ. Оттон бу маннык уустук быыһыыр тэрээһиҥҥэ кыттыбыт быыһааччылары наҕараадаҕа түһэрэр туһунан кэпсэтии ыытыллар.

Иннокентий Андросов, СӨ быыһыыр сулууспатын салайааччы: «Биһигини өйдөөн, биһи быыһааччылар бэйэбит атахпытынан тиийэр кыах суох. Бу авиацияҕа “Полярные авиалинии” үлэһиттэригэр, түргэнник бөртөлүөтү сакаастаан көтүппүт “медицина катастроф” үлэһиттэригэр. Уонна онтон биллэн турар бэйэм салалтабар, бэйэбит быыһаччыларбытыгар махтанабын. Наһаа ыарахан үлэни ыытаннар дьоннор билигин медиктэр илиилэригэр тиийдилэр».

Даҕатан эттэххэ, бөлөх туристара бары бэлэмнээх дьон эбит. Итиэннэ быыһааччылар учуоттарыгар турбуттар. Ол эрэн, айылҕаҕа, хайалаах сиргэ араас буолуон сөп. Онон туристар бука сэрэхтээхтик сылдьаллара ирдэнэр.