Дьокуускай уопсастыбыннай сирдэригэр доруобуйа аахсыйаларын тэрийэллэр

Ыраах Өлөөн улууһуттан кэлэ сылдьар Наталья Степанова социальнай ситимтэн доруобуйа аахсыйата ыытылларын билэн анаан-минээн көрдөрө кэлбит. Бастаан Онкопоиск бырайыакка кыттыһан анкета толорбут салгыы кэккэ анализтары туттарыахтаах.

Наталья Степанова, Өлөөн улууһун олохтооҕо: «Доруобуйабын бастакы уочарат куруутун көрдөрүнэбин».

"Добрый вечер" доктор диэн тэрээһин киин куоракка от ыйын ортотуттан ыытыллар. Дьокуускай хас даҕаны балыыһата, доруобуйа кииннэрэ уопсастыбыннай сирдэринэн арахсан  нэһилиэнньэ доруобуйатын көрөллөр. Бу Хомсомуол болуоссатыгар бастакы нүөмэрдээх поликлиника быраастарын былаһаакката.

Анита Кривошапкина, Дьокуускайдааҕы 1№-дээх поликлиника акушера: «Манна фельдшер көрөр, анаалыстары ылабыт, ЭКГ. Дьон доруобуйатын көрөбүт».

Күн ахсын киэһэ 5 чаастан - 9-ка диэри ким баҕалаах кэлэн манна анаалыс туттаран, быраастан консультация ылар кыахтаах. Баҕалаах элбэх, эдэрдэр даҕаны, саастаах да дьон көхтөөхтүк кэлэр.

Елизавета Николаева, Дьокуускай олохтооҕо: «Поликлиникаҕа баран анньыһа сылдьыбат курдук, манна туттаран кэбиһэр үчүгэй бөҕө».

Онтон паарка иһигэр ойуур билбиотекатын дьиэтигэр эмиэ күн ахсын Здравосмотр диэн ахсыыйа буолар. Тэрээһини өрөспүүбүлүкэтээҕи дроруобуйа уопсастыбыннай киинэ көҕүлээн ыытар. Манна күн ахсын араас исписэлиистэр кэлэн диагностика оҥороллор.

Анжелика Винокурова, СӨ доруобуйа общественнай киинин кардиолог бырааһа: «Поликлиникаҕа суруттарыы уһун баҕайы буолааччы, ол иһин элбэх киһи көрдөрүммэккэ хаалар. Дьон манна анаалыс туттаран быраастан сүбэ-ама ылыан сөп».

Өскөтүн анаалыстарынан туох эмиэ уларыйыы баар түгэнигэр манна терпавет кардиологка, биитэр атын исписэлиискэ эбии консультацияҕа ыытыан сөп. Ону тэҥэ манна доруобуйа харыстабылыгар анаммыт маастар-кылаастары, трениннары ыыталлар.  

Татьяна Кельцинова, СӨ доруобуйа общественнай киинин үлэһитэ: «Антропометрия ыытабыт, ол аата уһуттарын, ыйааһыннарын биилэрин кэмниибит, хаан ылабыт, ЭКГ уонна тыҥа кэриҥин».

Доруобуйан туругун бэрэбиэркэлиир хайаан да наада. Сынньалаҥы тэҥэ туһалаахтык бириэмэҕин атааран, маннык быраастарга кэлэн көрдөрүнэргэ ыҥыраллар.