Сайыҥҥы кэмҥэ спорт эбийиэктэригэр саҥардыы үлэлэрэ ыытыллаллар

Чолбон спортивнай чэбдигирдэр  киин үлэһиттэригэр сайын саамай түбүктээх кэм. Ыам ыйыгар үөрэх-үлэ дьыла түмүктэннэ да манна сууйуу-сотуу, кыраскалааһын, быстах өрөмүөн үлэтэ ыытыллар. Билигин истиэнэни сыбыы, кыраскалыы сылдьаллар.

Афанасий Осипов, "Чолбон" бассейн үлэһитэ: «Дьахталлар таҥнар хосторун иннин кырааскалаан бүттүбүт. Аны үһүс этээскэ тахсар кирилиэһи уонна онно эмиэ спорт саалата баар, ону оҥорорбут хаалла. Бассеймыт обеззараживаниеҕа турар, ол иһин сөтүө көҥүллэммэт».

Тустаах спорт эбийиэгэ өрөспүүбүлүкэҕэ биир эмиэ баараҕай тутуу буолар. Үс этээстээх, улахан бассейннаах, эрчиллэр саалалардаах. Онон үгүс киһи сөбүлээн манна сылдьар, дьарыктанар. Спортивнай-чэбдигирдэр хайысхалаах буолан элбэх киһи эрчиллэр. Оттон сүрүннээн оскуола оҕолоро дьарыктаналлар.

Пётр Черкашин, "Чолбон" бассейн дириэктэрэ: «Балаҕан ыйын бастакы күнүттэн спортивнай уонна оздоровительнай бөлөхтөргө порталбыт арыллыаҕа, оҕолору набордуохпут. Сыл аайы дьон сайаапката элбээн иһэр».

Маныаха оттон буоларын курдук чэпчэтиилээх абонеменнар эмиэ бааллар. Элбэх о5олоох ыалларга, доруобуйаларынан хааччахтаах дьоҥҥо, анал байыаннай дьайыы кыттыылаахтарыгар, кинилэр чугас дьонноругар итиэннэ ГТО кыһыл көмүс бэлиэтин хаһаайыннарыгар эмиэ чэпчэтии көрүллэр. Оттон быстах өрөмүөн, саҥардыы үлэтэ билигин бары спорт эбийиэктэргэ ыытыллар. Күһүҥҥүттэн дьон саҥардыллыбыт, ыраас, сырдык эбийиэктэргэ дьарыктаналларыгар усулуобуйа олохтонор.