Манчаары оонньууларынан тэрийээччилэр түмүк таһаардылар

Күрэс историятыгар кэлиҥҥи кэмҥэ буолбатах рекорд быйылгы Манчаарыга олохтонно диэн түмүктүүр-отчуоттуур тэрээһиҥҥэ  Саха Өрөспүүбүлүкэтин спордун миниистирэ Леонид Спиридонов аан тылыгар тоһоҕолоон эттэ. Холобура, ыытыллбыт оонньууларга ыстаҥаҕа 2 рекорду Хаҥалас улууһун күрэсчитэ Валерия Олесова олохтообута.

Николай Цыпандин, күрэс төрүт көрүҥнэригэр ХХII Манчаары оонньууларын бас судьуйата: «Этэҥҥэ барыта ааста. Ардах мэһэйдээтэ дии саныыбын, өссө элбэх рекорд буолуо этэ. 9 рекорд буолла, инники 1-2 эрэ буолар этэ. Урукку ханнык да тэрээһиннэрдээҕэр эбийиэктэрбит эрдэ бэлэмнэр этэ».

Ытык Таатта сиригэр ыытылыбыт Манчаары оонньуулара чахчы үрдүк таһымҥа ыытыллынна диэн тэрийэр бөлөх түмүктүүр мунньаҕар бэлиэтээтэ. Маны кытары сылдьыбыт ыалдьыттар, күрэсчиттэр сөпсөһөллөр. Быйылгы оонньууга уопсайа 196 кэмпилиэк мэтээл оонньонно. 35 хамаанда кыттыыны ылла. Ытык Күөлгэ  Өрөспүүбүлүкэ  бары муннугуттан үгүс элбэх ыалдьыт кэлэ сырытта. Култуурунай бырагыраамата ыалдьыттары сөхтөрдө.

Гаврил Вырдылин, күрэс төрүт көрүҥнэригэр ХХII Манчаары оонньууларын тэрийээччитэ: «50 тыһ. тахса киһи сылдьыбыт. Ардаҕы ардах диэбэккэ дьон-сэргэ тэрээһиннэрбитигэр сылдьан үөрдүлэр. Атыы-эргиэн толорутук барда. Улуу өбүгэлэрбитигэр махтанабыт барыта этэҥэ буолла диэн ».

Бу күн кэрэ моһуоннаах бырабыытылыстыба дьиэтин саалатыгар утуйар ууларын умнан, үлэлэригэр эппиэтинэстээхтик сыһыаннаспыт дьону уруйдаатылар-айхаллаатылар. Махтал тыллары эттиллэр.

Сергей Местников, СӨ бырабыытылыстыбатын бэрэссэдээтэлин солбуйааччы: «Тэрийэр бөлөх сүрүн түмүгэ буолар. Дьон-сэргэ бу хайдах ыытыллыбытын туһунан, биһи үлэбит сыанабылы ылар».

Түмүктэр таҕыстылар. Оонньуулар бүттүллэр. Аны 4 сылынан 23-с Манчаары оонньууларын Хаҥыл Хаҥаластар ыытыахтара.