Дьокуускайга дойду таһымнаах ыытыллар экологическэй тэрээһин буолла

Субуотунньуктан туора турбатах дьону бырабытыылыстыба бэрэссэдээтэлин солбуйааччы Ольга Балбакина эҕэрдэлиир. Кун бүгүн Петр Бекетов аатынан скверга Арассыыйа таһымнаах, улахан экологическай тэрээһин ыытыллына. Саха сирэ 25 регионунан кыттыны ылан, субуотунньугу киэҥ далааһыннаахтык тэрийдилэр.

Чахчы, сквер иһэ толору киһи. Эдэрдиин эмэнньиин, туора турбакка Дьокуускай куораппыт ыраас буоларыгар ис сурэхтэриттэн, баҕа өттүнэн ыраастыы - хомуйа кэлбиттэр. Манна Саха сирин биир чаҕылхай спортсмена, көҥүл тустууга Олимпийскай оонньуулар кыттыылааҕа, тустууга Аан дойду чемпиона Айаал Лазарав кыттыыны ыла кэлбит. 

Айаал Лазарев, көҥүл тустууга спорт үтүөлээх маастара, Азия чемпионнаттарын көҥүл тустууга муҥуутуур кыайыылааҕа,  Олимпийскай оонньуулар кыттыылааҕа: «Инники көлүөнэбитигэр айылҕаны харыстаан тириэрдиэххэ наада. Оннук диэн бу аахсыйаҕа кэллим уонна манна кэлбит дьоҥҥо махтанаары».

Субуотууннуьук кыттыылаахтара бэрчээккэ кэтэн, куулларын ылан, сквертэн саҕалаан Дьокуускай куорат 203 түөлбэтигэр тиийэ бөх хомуйдулар. Маннык экологическай аахсыйаҕа сүрүнэ - үчүгэй настарыанньа уонна куораппыт, айылҕабыт  ыраас буоларыгар баҕа санаа буолар.

Биир күргүөмүнэн бөҕү - сыыһы ыраастааһын үлэлэрэ түргэнник -тарҕаннык ыытыллынна. Манна сүрүн кыттааччылар Саха сирин экология министиэристибэтин үлэһиттэрэ буолаллар. Тустаах биэдэмистибэ хас биирдии салаатын исписэлиистэрэ манна кыттыыны ыллылар.

Алексей Сивцев, СӨ экологическай кэтэбил салалтатын салайааччыта: «Бу федеральнай бырайыак. Саха сирин дьонноро хайдах айылҕаларын харыстыылларын көрдөрөөһүн буолар».

Бу күн өссө анал ааттар иҥэрилиннилэр. Ол курдук, Саамай тургэн хомуйааччы, Саамай ыарахан бөхтөөх куул,  Саамай эдэр уонна уопуттаах  кыттааччы уонна Саамай интириэһинэй булумньу диэн анал ааттары тэрийээччилэр иҥэрдилэр. Оттон бу субуотунньук эстафетатын Саха сирэ Новосибирскай уобаласка салгыы ыытар.