Ыһыах кэмэ саҕаланан суолга-иискэ куттал суох буолуутун хааччыйар инспекция үлэтин күүһурдэр

Өрөспүүбүлүкэ таһымнаах улахан бырааһынньыктар саҕаланналлара аҕыйах хонук хаалла. Ону кытары тэҥҥэ Дьокуускайдааҕы суолга-иискэ куттал суох буолуутун хааччыйар инспекция үлэһиттэрэ үлэлэрэ икки бүк күүһүрдэ. Билигин улахан болҕомто аһыы утах иһэн баран массыына ыытааччыларга ууруллуоҕа, онон инспекторадар уруулга олорооччуларга өссө биирдэ өйдөтөр сыаллаах үлэни ыыталлар. 

Бүгүҥҥү сэрэтэр тэрээһиҥҥэ инспектордар суоппардарга өссө биирдэ суол быраабылытын санаттыллар, итиэннэ аһыы утах утары иһитиннэриилэрин туттардылар.

Ытык Үс Хатыҥ сиригэр буолаары турар ыһыах чэрчитинэн ГАИ инспекторадара күүһүрдүллүбүт эрэһииминэн үлэлиэхтэрэ. Уопсайа 200-тэн тахса үлэһит дьуһуурустубаҕа тахсыахтара.

Жанна Макарова, Дьокуускайдааҕы суолга куттал суох буолуутун хааччыйар сулууспа сырдатар үлэҕэ инспиэктэр: «Ыһыах буолар сиригэр массыына эвакуациялыыр тыраанспардар үлэлиэхтэрэ. Суоппардарга санатыахпыт этэ, тимир көлөҕүтүн сөпкө туруорун. Аһыы утах иһэн баран уруулга олоруман. Оҕолоргутун оҕо кириэһилэтигэр олордун, харыстыыр эрэмиэҥҥитин кэтэ сылдьын».

Маны кытары тэҥҥэ бу күн Бырабыытылыстыба таһымыгар суолга сэрэхтээх буолууга туһуламмыт улахан мунньах буолан ааста. Манна сүрүн болҕомто суол саахала тахсыбатыгар ууруллунна. Бырабытылыстыба бэрэссэдээтэлин бастакы солбуйааччыта Дмитрий Садовников Саха сиринээҕи суолга-иискэ куттал суох буолуутун хааччыйар инспекция салайааччытын Александр Архиповка соруктары туруорда.

Маннык тэрээһин ыытыллара тоҕоостоох. Сайыҥҥы кэмҥэ үгүс тимир көлө тахсыытыгар суол саахалын көрдөрүүтэ үрдүүр. Онно  оҕо кыттыгастаах оһоллор тахса тураллар.

Роман Обоев, Дьокуускайдааҕы суолга-иискэ куттал суох буолуутун хааччыйар иниспиэксийэ судаарыстыбаннай иниспиэктэрэ: «Сыл саҕаланыаҕыттан дьокуускай куоракка 1527 суол саахала бэлиэтэннэ. Оннук курдук 191 киһи эчэйиилээх, 5 киһи хомойоух иһин суорума суолланна. Онуох 34 оҕо кыттыылаах суол саахала таҕыста».

Санатабыт, бэс ыйын 28-29 күннэригэр хас да патрульнай бөлөхтөр, киин куоракка, таһынааҕы бөһүөлэктэргэ итиэннэ Ыһыах миэстэтигэр күүһүрдүллүбут эрэһииминэн үлэлиэхтэрэ.