Ил Түмэн мунньаҕар Ил Дархан Быраабытылыстыба ааспыт сыллааҕы үлэтин отчуоттаата

Саха Сирин экономиката  бигэ туругун ыһыктыбат. Тутаах салаалар көрдөрүүлэрэ үрдүүр. Ил Дархан норуот депутааттарын иннигэр оччуотун чуолаан бу эйгэттэн саҕалаата.  Оҥорон таһаарыы индексэ 2023 сылы кытта тэҥнээтэххэ үрдээн 108% тэҥнэстэ.

Айсен Николаев, СӨ Ил Дархан: «По темпам экономического роста Якутия лидирует не только на Дальнем Востоке, но и в стране. ВРП за 2024 год у нас увеличился на 3,2%. Рост в промышленности превысил среднероссийский темп почти в 2 раза и достиг 8,5%. Мы впервые вышли на второе место в стране по добыче угля с объемом 49,5 млн тонн и добыче золота с объемом 55 тонн».

Анал байаннай дьайыы кыттыылаахтарыгар ураты болҕомто. 2024 сыллаахха туһааннаах тиэхиникэ, тыһыынчаттан тахса баһыылка, 80 туоннаҕа тиийэ гуманитарнай таһаҕас тиксэриллибит. 600-тэн тахса байыаннай дьайыы кыттыылааҕа үлэнэн хааччыллыбыт, 150-тан тахса киһи профессиональнай үөрэҕи ааспыт.

Николай Кульбертинов, Ил Түмэн депутата: «Сэрии хонуутугар сылдьар дьоннорбутугар, уолаттарбытыгар хайдах көмө оҥоһулла турарыгар, кинилэр манна хаалбыт дьоннорун социальнай өттүнэн хайдах хааччыллан, хайдах мера ылылла турарын туһунан сиһилии сырдатта».

Маны тэҥэ, улахан үлэ социальнай политика хайысхатынан ыытыллар диэтэ.  2019 сыллаахтан оҕолоох ыалларга, оҕо төрөөһүнүн өйөбүлүгэр үбүлэһин 7 төгүл үрдээбит. Сойиальнай эбийиэктэри үлэҕэ киллэрии көхтөөх. Ааспыт сылга оскуола, оҕо саадын, культура, спорт эбийиэктэрин тутуу, суол-иис капитальнай өрөмүөнүн ыытыы үтүө түмүктээх.

Геннадий Васильев, Ил Түмэн депутата: «Үөрэх эйгэтигэр биһи хайаан даҕаны Арассыыйа таһымын кытта тэҥҥэ туруохтаахтар диэн. 2024 сыл иһигэр 14 оскуола биһи өрөспүүбүлүкэбитигэр киирдэ».

Тыа хаһаайыстыбатын салаата. Ил Дархан быйылгы үбүлүээһин биир миллирд солкуобайынан үрдээтэ диэн эттэ. Нэһилиэктэри, улуустары гааһынан хааччыйыы эмиэ былааннаахтык барар. Уһук Илин региоҥҥа гаастааһын бырагырааматын олоххо киллэриигэ бастыҥынан таҕыста.

Промышленнай үүнүү бүдьүөккэ үп бигэтик киирэрин хааччыйар. Былырыын өрөспүүбүлүкэ бюджетыгар 377-тэн тахса миллиард дохуот киирбитэ.

Афанасий Владимиров, Ил Түмэн бэрэссэдээтэлин солбуйааччы, тутуу уонна сокуон тиһилигин сис кэмитиэтин салайааччы: «Биһи бырабыытылыстыбабыт, Ил Дархаммыт туох баар тэрилтэлэри кытары үлэлээн, Арассыыйа бырабыытылыстыбатын, Президенын кытары үлэлээн биһи бүдьүөппүт этэҥҥэ ааһан турар. Туох баар социальнай көмө барыта төлөннө, туох да иэс суох».

Быйылгы сылтан саҕалаан национальнай бырайыактары олоххо киллэрии саҥа түһүмэҕэ саҕаланар. Саха сирэ 12  бырайыакка кыттар, ол онно уопсайа 112 миллиард солкуобай көрүллэн турар.  Бу барыта Саха сирин хас биирдии олохтооҕун олоҕун хаачыстыбата тупсарыгар туһуланар үлэ.