Саха сиригэр дьоҕус суудуналарга түһүмэҕинэн өрүс суола арыллан саҕалаата
Главное
-
23 апреля в 15:50От промывки до упаковки. Школьники Якутии побывали на экскурсии в предприятии по торговле алмазами
-
23 апреля в 15:40Колонна раритетных машин проехала по улицам Якутска в поддержку "Диктанта Победы"
-
23 апреля в 15:35В Якутске состоялась премьера фильма "Ангелы Ладоги"
-
23 апреля в 15:27В Якутске прошли масштабные тренировки в рамках Всероссийских учений по техногенным угрозам
Дьокуускай куорат олохтооҕо Александр Немаев өрүс суола арылларын кэтэспитэ ыраатта. Көҥүл бэриллээтин кытта тутатына мотуорун киллэрэн собуоттаан көрөр. Эрдэ туһааннаах бэрэбиэркэни ааспыт, докумуоннарын бэлэмнээбит.
Александр Немаев, Дьокуускай куорат олохтооҕо: «Саамай кэтэһиилээх кэм буолла. Сааһы быһа бэлэмнэнэн, тыы оҥостуу. Бастатан туран луук, онтон уу түстэҕинэ балык».
Өрүскэ тахсааччылары тутатына алын суудуналарга инспиэктэрдэр тохтотон туһааннаах докумуоннарын көрөллөр. Оҥочолорун туругун итиэннэ саамай сүрүнэ сэрэхтээх буолууну, ол эбэтэр олорсо сылдьааччылар бары быыһыыр сэлиэччиктээхтэрин бэрэбиэркэлииллэр. Навигация арыллыытын бастакы күнүгэр суудуналаахтар бары кэриэтэ ыраах айаннаабакка чугаһынан устан оҥочолорун көрүнэллэр.
Суудуна техосмотрун бу станцияҕа тутатына ааһаллар. Оттон докумуон өттүнэн үлэни инспиэктэрдэр хонтуруоллууллар. Хаһыс да сылын оҥочонон сылдьар дьон номнуо барытын эндэппэккэ билэллэр, ол эрэн инспиэктэрдэр син биир сыл ахсын барыларыгар өйдөтөр-сэрэтэр үлэни ыыталлар.
Дьулустаан Фёдоров, СӨ ЫБММ алын суудуналарга судаарыстыбаннай инспиэксийэ Аллараа Бэстээҕи патруллуур сулууспатын салайааччыта: «Оҥочолоргутун бэлэмнииргитигэр үлэлиир туругун кэтии сылдьыҥ уонна докумуоннаргытын эрдэттэн көрүнүн».
Оттон бу бэс ыйын 2 күнүттэн алын суудуналарга өрүс суола киин, илин эҥэр итиэннэ бүлүү бөлөххө арылынна. Оттон бэс ыйын 10 күнүттэн түһүмэҕинэн хоту эҥэр сырыы көҥүллэниэ.
