Дьокуускай - Аллараа Бэстээх хайысханан дьону катерынан тиэйэр-таһар өҥөнү оҥорон саҕалаатылар

Өрүс пуордун 4 нүөмэрдээх тиксиитигэр сарсыардаттан барыы-кэлии. Катердар туоллулар да тутатына айанныыллар. Федор Устинов өрүс суола арыллаатын кытта дойдутугар Аммаҕа сайылыы тахсан эрэр. Хас да сыл сылдьыбатах итиэннэ өр кэмҥэ баран эрэр буолан толору кэһиилээх. Түргэнник аннараа биэрэккэ тиксээри катеры ордоробун диир.

Фёдор Устинов: «Барбатаҕым сыл буолла. Сынньанан топтөрү киирэбин. Сыана син үчүгэй, былырыын чэпчэки этэ. Паромтааҕар түргэн».

Оттон Дьокуускай олохтооҕо Ия Володаровна Покатилова  Аллараа Бэстээхтэн айаннаан кэллэ. Кини ааспыт нэдиэлэҕэ катер саҥа сылдьан саҕалаабытыгар айаннаабыт. Барарыгар сырыы төлөбүрэ ыарахан эбит, билигин чэпчээбит диэн бэлиэтиир.

Ия Покатилова: «Чэппиэргэ маҥнайгы катерынан 1500-ҕа барбыппыт, билигин 1000 буолбут. Үчүгэй баҕайытык үлэлииллэр».

Кырдьык да сыана быйыл уларыйбыт. Үлэһиттэр этэллэринэн, сапчаас, бензин сыаната үрдээн бу айан төлөбүрүгэр охсубут. Бастакынан линияҕа 20-чэ катер таҕыста.

Александр Высоцкий, суудуна хапытаана: «Несколько дней назад пробные рейсы были, катеров было мало. Сейчас практически 80% на линии, все работают. Документы все готовы, на реке чисто, обстановка как обычно, воды много. Прокладываем маршруты, более-менее удобные для нас и для пассажиров».

Быйыл дьыл эрдэлээн итиэннэ өрүс эрдэлээн муустан ыраастанан навигация ааспыт сылтан 3 күнүнэн урутаан арылынна. Эбэҕэ уу кыралаан түһэн эрэр, онон сотору кэминэн бары катердар линияҕа тахсыахтара. Маны тэҥэ сарсыҥҥаттан Рукавишников теплоход сылдьан саҕалыаҕа.