Бу күннэргэ өрөспүүбүлүкэ үрдүнэн эндокриннай систиэмэ ыарыыларын сэрэтии нэдиэлэтэ
Главное
-
22 мая в 12:13Ветеран СВО открыл собственное дело по реализации комплексных обедов
-
22 мая в 12:00Гидрологическая обстановка на реках Якутии 22 мая на 18:00
-
22 мая в 11:47Более 63 тысяч тонн продукции планируют произвести в агропромышленном комплексе Якутии
-
22 мая в 11:21Более 90 жителей Якутии примут участие в конкурсе на предоставление гранта "Агростартап"
Регионнааҕы эндокринология киинэ ааспыт сылга бүтүн дойдутааҕы диабеты утары охсуһуу бырайыак чэрчитинэн эрдэ клиническай балыыһаҕа баар диспансер базатыгар аһыллыбыта. Манна күҥҥэ 5 эндокринолог быраас ортотунан 60-70 киһини көрөр. Дьокуускайтан эрэ буобакка, улуустартан направлениянан ананан кэлэн көрдөрүнэллэр. Бу күннэргэ өрөспүүбүлүкэ үрдүнэн эндокриннай систиэмэ ыарыыларын сэрэтии нэдиэлэтэ ыытылла турар. Сыллата соҕуо, сахарнай диабет ыарыыларын көрдөрүүтэ үрдүүр.
Татьяна Матвеева, эндокринологическай киин эндокринолог бырааһа: «Саха сиригэр элбэх эндемическэй зобтаах киһи баар. Ол аата щитовиднай железабыт улаатан хаалар, сирбитигэр уубутугар йод аҕыйах буолан оннук буолар. Наһаа улааттаҕына киһи тыынарынар мэһэйдиир буолар, онно номнуо эппэрэссийэлэнэригэр тиийэллэр».
Киһи эндокриннай систиэмэтэ организмҥа тустаах гормоннары оҥорон таһаарар. Ол түмүгэр, эттиктэр үлэлэрэ, ууһуур-тэнийэр кыах, киһи энергията онтон да атын суолталаах процесстар үлэлэлэрэ тутулуктанар. Маныаха йод тиийбэтин ылбычча быһаарбаккын. Хайаан даҕаны исписэлиискэ көрдөрүнэр наада. Оҕоҕо йод тиийбэт түгэнигэр оҕо улааппат, имуннитета кэһиллэр, өй сайдыытыгар дьайар, түргэнник сылайар, болҕомтото мөлтүүр.
Марина Каратаева, эндокринологическай киин эндокринолог бырааһа: «Бырааска тиийэн гормон анаалыһын туттарыан наада. Хас биирдии поликлиникаҕа ылаллар. Быраас анабылынан бараҕыт, уонна онно кэһиллии баар буоллаҕына кинилэр эндокринолог бырааска ыыталлар».
Эндокриннай систиэмэ ыарыыларын ортотугар саамай тэнийбиттэринэн соҕуо, итиэннэ сахарнай диабет буолаллар. Бүгүҥҥү күҥҥэ Саха сирин үрдүнэн 30 тыһыынча кэриҥэ киһи сахарнай диабетынан ыалдьан учуокка турар. Дьиҥэ бу көрдөрүү хас да төгүл кыра буолуон сөп. Тоҕо диэтэр бу ыарыы өр кэмҥэ биллэрбэтинэн сылдьар. Эндкринологтар этэллэринэн сахарнай диабетынан сүрүннэн үлэлиир кыахтаах 60 саастарыгар диэри дьон ыалдьар. Эндокриннай систиэмэ ыарыыларын сэрэтии нэдиэлэтинэн поликлиникаларга анализ тутуохтара, испиэлиистэр консультциялара ыытыллыахтара.
