Онкология диспансера национальнай бырайыак иитинэн саҥа оборуудабанньанан хааччыллар

Аныгы медицинэ аппараатын көмөтүнэн хирург быраастар искэҥи быһан быраҕар уустук эпирээссийэни оҥороллор. Хас биирдии хамсаныыны барытын улахан экраҥҥа көрөллөр. Эпэрээссийэлиир хос  аныгы үрдүк хаачыстыбалаах тэрилинэн бүтүннүү хааччыллыылаах. Даҕатан эттэххэ, бу саҥа тэрил барыта "Доруобуйа харыстабыла" национальнай бырайыак иитинэн кэлбитэ. Күн бүгүн алта эпэрээссийэлиир кабинет үлэлиир. Оттон бу операционнайдары барытын биир бырагыраама ситимниир. 

Александр Алексеев, Өрөспүүбүлүкэтээҕи онкология диспансерын торакальнай салаатын онколог-хирург бырааһа: "Эпэрээссийэлиир саалаҕа буола турар дьайыыны барытын салайар панель диэн баар. Манна эпэрээссийэ кэмигэр туһаныллар оборуудабанньаны барытын көрдөрөр".

Үрдүк хаачыстыбалаах видеохартыына оннооҕор кыра кээмэйдээх искэҥи көрдөрөр. Маныаха быраас ыарыһаҕы көрө олорон биоматериал ылан тутатына микроскобунан чинчийэн көрүөн сөп. Оттон УЗИ аппаратын кытта эндоскоп көмөтүнэн уустук эпэрээссийэ оҥоһуллар.

Юрий Максимов, Өрөспүүбүлүкэтээҕи онкология диспансерын эндоскопист бырааһа: "Саҥа уустук эндоскопическай эпэрээччийэлэр оҥоһуллар буоллулар. Холобур, бастакы стадиялаах искэҥи улахан эпэрээссийэни оҥорбокко, уорганы харыстаан, ис өттүттэн эндоскопически киирэн быһар кыахтанныбыт".

Онон билигин ыарыһахтар өрөспүүбүлүкэ иһиттэн тахсыбакка миэстэтигэр эмтэнэр кыахтаннылар. Уус Майа оройуонуттан сылдьар Александр Андреев тыҥа эпэрээссийэтин этэҥҥэ ааһан, балыыһаттан тахсарга бэлэмнэнэр.

Александр Андреев: "Биһиги кииммин обруудабанньанан хааччылыынан аан дойду таһымыттан хаалсыбат. Сорох ардыгар биһиэхэ өссө ордук буолуон сөп диэн көрдөрүнээччилэр үллэстэллэр".

Онкология саҥа диспансера арыллыаҕыттан номнуо 4 тыһыынчаттан тахса эпэрээссийэ оҥоһулунна. Маныаха салгыы сайдан, искэҥ ыарыытын бары көрүҥүн эрдэттэн сэрэтэр эмтиир кыах баар буолуо.