Саха сиригэр пилон спорда уонна салгын гимнастиката сайдар

Дьокуускайдааҕы 12 нүөмэрдээх орто оскуолатын 8 кылааһын үөрэнээччитэ Камилла Прудецкая салгын гимнастикатынан дьарыктаммыта 6 ый буолла. Камилла эрдэ спортивнай гимнастиканан дьарыктаммыт буолан бэлэмнээх. Бу маннык үөһээ ыйаастан таҥастан тутуһан араас уустук элеменнары көрдөрөрүүнү ылбычча киһи биллэн турар оҥорбот. Ханнык баҕарар спортка барытыгар күүстээх дьарык ирдэнэр.

Камилла Прудецкая, күрэхтэһии кыттыылааҕа: «Доруобуйаҕа үчүгэй, осанкаҕын көрүнэҕин, туһалаах».

Дьокуускайга бу салгын гиманстикатын уонна пилоннай спорт сүүмэрдиир, квалификацияны үрдэтэр Чемпионата быйыл 3 сылын ыытыллар. Сыллата кыттааччы ахсаана элбээн иһэр диэн тэрийээччилэр этэллэр. Ол курдук бастакы сылга 13 эрэ кыттааччылаах күрэхтэһии ыыппыт эбит буоллахтарына, бу сырыыга номнуо 36 киһи бэйэтин тургутар. Айталина пилон спордунан дьарыктаммыта 2 сыла. Аан бастакытын күрэхтэһиигэ кыттар.

Айталина Гермогенова, күрэхтэһии кыттыылааҕа: «2023 сылга кэлбитим, ол иннинэ туох да спордунан дьарыктамматаҕым. Баҕа эрэ наада».

Пилоннай спорт, ол аата акробатика, хореография, гимнастика элеменнарыттан турар пилон диэн ыйанар тимиргэ оҥоһуллар, киһиттэн ураты координацияны ирдиир көрүҥ буолар.  Бу көрүҥ Арассыыйаҕа 2022 сыллаахха спорт быһыытынан бигэргэммитэ, онтон салгын гимнастиката 2023 сыллаахха бу кыаҕы ылбыта. Күрэхтэһиигэ Хабаровскайтан тиийэ кэлэн кытытыннылар. 

Нина Ходырева, күрэхтэһии кыттыылааҕа: «Мы участвовали в Якутии на квалификационных, в отборочных в Новосибирске».

Анна Конева, тренер, күрэхтэһии кыттыылааҕа: «Хотим, чтобы этот вид спорта вышел на олимпийский уровень».

Чемпионакка кыра оҕолортон саҕалаан улахан дьон кытынна. Саамай аҕа саастаахтарынан 49 саастаах кыттааччы буолла. Күрэхтэһээччилэри онлайн форматынан Москваттан тренердэр сыаналаатылар.

Мария Степанова, СӨ пилоннай спорт уонна салгын гимнастикатын федерациятын салайааччы: «Арассыыйаҕа алдьархай сайдан эрэр. Өрөспүүбүлүкэҕэ спортсменнарбыт элбээтилэр. Тренердэр гимнастикаттан уонна хореографияттан интириэһиргээн сайыннаран эрэллэр».

Бу Чемпионакка кыайбыттар салгыы Уһук Илин регион күрэхтэһиитигэр кыттар чиэскэ тиксэллэр.