Сулус полигоҥҥа анал байыаннай дьайыыга барар байыастар ытыыга дьарыктарын сөргүтэллэр

65

Бу курдук бэргэн байыас буоларга уһуйаллар. Дьарык анал полигоҥҥа барар. Инструктар хас биирди хамсаныыны тус хонтуруолугар тутар.

Сэбиэскэй Сойуус Дьоруойа Федор Кузьмич Попов дойдутуттан сылдьар Хорсун хотун - бэргэнник ытарга үөрэнэр. Бэйэтин ис санаатынан салайтаран анал байыаннай дьайыыга кыттар баҕалааҕын биллэрбит.

Ыҥырыллар аата "Аллаа": «Автоматы күнү быһа тутан сылдьан туох баар былцыҥын көһүйэр, ыарахан».

Идэтийбит инстурктардар көмөлөрө манна улахан. Байыастар дьоҕурдарын өссө сайыннаралларыгар күүс-көмө буолаллар. Сүбэ-ама биэрэллэр.

Ыҥырыллар аата "Лебедь": «Кинилэр билигин автоматы баһылыахтарын наада. 100 миэтэрэ ыраахха үөрэтэбит».

Манна билигин 30 тахса киһи дьарыктана сылдьар. Дьарык 1,5 ый кэриҥэ ыытыллар. Манна ыраахха ытыыга эрэ буолбакка, биир хамаанда буоларга үөрэтэллэр.  

Арассыыйа Дьоруойа Александр Колесов бу анал полигону салайбыта иккис сылыгар барда. Сулус - Арассыыйа үрдүнэн биир соҕотох улахан полигонунан биллэр. Манна иккис сылын Сэбиэскэй Сойуус дьоруойа, бастыҥ снайпер Федор Матвеевич Охлопков аатынан ытыыга улахан күрэхтэһии ыытыллар.

Александр Колесов, Россия Дьоруойа: «Дьарык күүскэ барар. Уолаттар манна дьарыктанан баран антах тиийдэхтэринэ барытын сатыыр буолаллар. Сахалары үчүгэдик ытар курдук билэллэр, онтукайбытын сайыннарыахтаахпыт».

Байыаннай дьайыыга барытын сытыы харах, сымса буолуу быһаарар. Онон бу байыаска тыын суолталаах дьарыктар буолаллар.