Халлаан сылыйан кыһыҥҥы суолларга хааччаҕы киллэрии саҕаланна

Даркылааҕынан Аллараа Бэстээххэ туоруур  суолга айан сыыйыллан олорор. Хаалбыт күннэри баттаһаары ордук улахан уйуктаахтар тиэтэйэллэр.  Муус туруга билигин үчүгэй, ол эрэн күнүһүн 0 үрдүк буолла эрэр үөһээнэн уонна аллааранан кэбирээн барарын исписэлиистэр этэллэр.

Халлаан лаппа сылыйан, ириэрии тэтимирдэ. Онон өрүс суолларын кэтээһин күүстээх болҕомтоҕо. Күн бүгүн сүрүн суолга муус саамай чараас сирэ 103 сантымыатырга тэҥэнэһэр.

Евгений Бугуев, "Вилюй" суол салалтатын салайааччы : «10 чыыһылаттан 20 туоннаҕа бобуу киирэр, 15 чыыһылаттан сабыахтаахпыт. Халлааммыт сылыйан барда. Бу ый ортотуттан автозимниктар, муус переправалара алдьанан барыахтаахтар».

Кулун тутар орто көрдөрүүттэн тымныы эбит буорллаҕына, муус устар Саха сиригэр сылаас буолуо диэн күнү - дьылы кэтээн көрөөччүлэр сабаҕалыыллар. Оттон бу күннэргэ арҕаа диэкки улахан сис былыт тахсан өрөспүүбүлүкэ бүттүүнүгэр тыаллаах-куустаах, сөҥүүлэээх күннэр туруохтара. Оннооҕор сорох улуустарга ардах түһэрэ күүтүллэр.

Татьяна Маршалик, СӨ күнү-дьылы кэтээн көрөр сулууспа салайааччытын солбуйааччы: «За неделю выпадет очень много осадков в виде снега и мокрого снега. Будет налипание снега на провода, гололедица. Довольно сложные погодные условия ожидаются на всей территории республики».

Халтараан ордук суолга-иискэ кутталы аҕалар. Сатыы да дьоҥҥо, массыыналаахтарга даҕаны. Онон суол үлэһиттэригэр дьыл бу кэмэ ордук үлэлээх. Маныаха дьон тоҕуоруһар сирдэрин кумаҕынан кутуу саамай туһалаах ньыма.

Кулун тутарга Дьокуускайга 244 суол саахала тахсыбыт. Сүрүн төрүөт сааскы кэмҥэ - халтараан. Бу ыйга оҕо эчэйиилээх быһылаан элбээбит.

Жанна Макарова, СӨ суол судаарыстыбаннай иниспиэксийэтин  сырдатар салаатын иниспиэктэрэ: «39 киһиттэн 12 оҕолор буолаллар. Саас кэлэн суолга халтараан буолбутунан сибээстээн Госавтоинспекция суоппардарга, сатыы сылдьааччыларга сэрэхтээх буолун диэн ыҥырабыт».

Оттон күнү - дьылы кэтээн көрөөччүлэр этэллэринэн, саҥа үүммүт ыйга халлаан күннэтэ уларыйа сылдьыа. Ол эрэн орто көрдөрүүттэн сылаас буолара күүтүллэр.