Саха сиригэр сааскы халааҥҥа бэлэмнэнии саҕаланна

Быйыл саас халаан уутугар эмсэҕэлиир кутталлаах нэһилиэктэр олохтоохторо баайы- дуолу, сылгыны-сүөһүнү страховкалааһын үлэтин саҕалыыллара ирдэнэр. Бу боппуруос Өрөсүүбүлүкэ дьаһалтатын болҕомтотун киинигэр турар. Күнү-дьылы кэтээн көрөр сулууспа иһитиннэрэринэн быйылгы сылга - Дьокуускай куоракка, Нам, Амма уонна Эдьигээн улуустарыгар кутталлаах балаһыанньа үөскүөн сөп. 

Быйыл уопсайа 600 тахса геткар иэннээх муус хараардыллыа. Билигин хараардыы үлэтэ Ленскай уонна Өлүөхүмэ улууһугар бара турар. Бу нэдиэлэттэн Дьокуускай аннынан үлэни саҕалыахтара. Быйыл хараардыы үлэтигэр федеральнай бюджеттан  54 мөл. көрүллүбүтэ.

Пётр Аргунов, Өлүөнэтээҕи уу салалтатын дириэктэрэ: «Билиҥҥи туругунан саамай ыарахана бэлэмнэнээһин үлэтэ. 100 га ыраастанан турар. Хараардааһын үлэтэ эрдэ соҕуруу улуустарга барда».

Маны тэҥэ сааскы уу этэҥҥэ ааһыытыгар сэрэтии уонна үөрэтии үлэтэ араас хайысхалаахтык ыытыллар. Быйыл тыа хаһаайыстыбатын министиэристибэтэ 114 быстах кэмнэ дьиэ кыылларын сүөһүнү-сылгыны, тутар пууннара бэлэмнээн олорор.

Артём Александров, СӨ тыа хаһаайыстыбатын миниистирэ: «Гидротехническэй сооружениялар өттүлэринэн этэр буоллахпытына 46 эбийиэккэ хамыыһыйа дежурство былаана оҥоһуллан турар. 50-тан тахса тиэхиникэ үлэлии сылдьар».

Бу сыллар устата өрүс эстиитигэр, халаан уута кэлиитигэр сөптөөх дьаһаллар ылыллан, харыы үөскүөн сөптөөх сирдэригэр туһааннаах үлэлэр ыытыллаллар. Онон, бу үлэ өрүс мууһа устарыгар төһүү күүс буолар.

Пётр Аргунов, Өлүөнэтээҕи уу салалтатын дириэктэрэ: «Аммаҕа, Алдаҥҥа бэлэмнэнии үлэтэ бара турар».

Билиҥҥи туругунан халаан уута хайдах ааһара биллибэт. Саха сиринээҕи күнү-дьылы кэтээн көрөр сулууспа иһитиннэрэринэн бу ый ортото барыллаан сабаҕалааһыннарын таһаарыахтара.