Дьааҥы улууһугар көстүбүүт түҥ былыргы мамонт оҕотун чинчийиитэ саҕаланна

Хас биирдии хамсаныы сэрэнэн оҥоһуллар, сыыһа бырастыы гынныллыбат. Саха сиригэр 100-тэн тахса  тыһыынча сыл аннараа өттүгэр олоро сылдьыбыт сэлии оҕотун чинчийии саҕаланна. Саамай бастыҥ дойду учуонайдара кыттыыны ыллылар.

Артемий Гончаров, И.И. Мечников аатынан хотугулуу-арҕаа государственнай медицинскай университет эпидемиология, дезинфектология уонна паразиттары үөрэтэр кафедра профессора: «Мы очень рассчитываем на то, что собранный нами материал позволит выделить жизнеспособные бактерии или их генетический материал, по которому можно будет судить о тех древних микроорганизмах, которые населяли организм мамонта».

Сөҕүү махтайыы олус улахан.  Хуобата, кулгааҕа, айаҕа бэрт үчүгэйдик хараллан хаалбыт. Бу иннинээҕи булумньулартан олох таһыччы үчүгэй туруктаах.

Ученайдар пробиркаҕа укпут эттиктэриттэн кини тугу аһыы сылдьыбыта, туохтан өлбүтэ уонна да атын сыаннай иһитиннэрии оҥоһуллуоҕа.

Анатолий Николаев, М.К. Аммосов аатынан ХИФУ ректора: «Маннык туруктаах мамону була иликтэр. Наукаҕа улахан суолталаах дьыаланы оҥоро турабыт».

Сэлии оҕотун былырыын Дьааҥы улууһун Батагайка диэн сириттэн булбуттара. Яна диэн өрүс аатынан сүрэхтэммитэ. Учуонайдар сабаҕалыылларынан сэлии оҕото 1 саастаах, уһуна - 1,5 миэтэрэ киилэтэ 180.  

Ылыллыбыт анализ хас да билим салаанан арахсан үөрэтиллиэҕэ. Быһа барыллаан түмүк сыл аҥарынан биллиэҕэ.

Терентий Платонов, АГАТУ паразиттары үөрэтэр кафедратын доцена: «Туох баар исписэлиистэр интириэстээхтэр үөрэтэргэ. Ол курдук, биһи паразитологтар былыргы мамонт ханнык паразиттарынан ыалдьа сылдьыбытын үөрэтэбит».

Яна - Саха сиригэр үһүс булумньу. Оттон аан дойдуга - сэттис. Билигин сэлии оҕото үөрэтиллэн генетика да өттүнэн историяҕа даҕаны ураты уонна киэҥ хардыы оҥоһуллуоҕа.