Дьокуускайга смарт поликлиника тутуута салҕанар

Саҥа тутуу ис өттүгэр үлэ күөстүү оргуйар. Хас да араас биригээдэ тэҥинэн үлэлиир. Поликлиника смарт диэн, онон уоту-күөһү таһынан сүрүн күүс уочараты наардыыр биир кэлим ситими таҥыыга, интернеты тардыыга, куттал суох буолуутун хааччыйар тэриллэри холбуурга ууруллар. 6 киһилээх анал бөлөх биир этээһи түмүктээн эрэр.

Максим Баишев, электрик: «Иккис этээстэн саҕалаатыбыт. Бүтэрэн эрэбит. Салгыы үөһээ тахсан иһэбит».

Күҥҥэ 600 киһини көрөр кыахтаах поликлиника 5 мэндиэмэннээх, уопсай иэнэ 9 тыһыынча кыбадарыытынай миэтэрэ. Тутуу 2 сыллааҕыта "Доруобуйа" национальнай бырайыагынан саҕаламмыта. Итиэннэ билигин түмүктүүр түһүмэххэ чугаһатта.

Надежда Иванова, "ВИС" тэрилтэ инженерэ: «Билиҥҥи турукка тутуу 68% бэлэм. Күн аайы 170 киһи үлэлиир. Сүрүнүн ис үлэлэр бара тураллар».

Судаарыстыбаннай-чааһынай бииргэ үлэлэһии бырайыагынан балыыһа саҥа дьиэтэ тутуллар. Онон бэдэрээттээх тэрилтэ оборуудабанньанан, миэбэлинэн толору хааччыйар. Билиҥҥи туругунан барыта атыылаһыллыбыт, уу суолунан кэлэрин күүтэллэр.  Поликлиника бырайыага үгүс киһи тэҥҥэ көрдөрүнэ кэлэрин учуоттаан оҥоһуллубут. Онон киэҥ-куоҥ, дьон тоҕуоруһуута суох буолуохтаах. Маныаха салаалары тус туһунан наардаталаабыттар.

Сергей Винокуров, "ВИС" хампаанньа тутууга салайааччыта: «Лучевой терапия, МРТ, рентген бартыа биир этээскэ баар буолар, женскай консульатция, детскай отделениялар бары туспа буолаллар».

Ону таһынан балыыһа туһунан бэйэтэ чинчийэр лабораториялаах буолуоҕа. Халлаан сылыйан үлэ иһирдьэнэн-таһырдьанан тэтимнээхтик барар. Ол курдук тас бүрүөһүн саҕаламмыт. Манна 3 биригээдэ тэҥинэн үлэлиир.

Судаарыстыбаннай-чааһынай бииргэ үлэлэһиинэн тутуллар буолан хас да сыл мэктиэлээх. Бу сыллар тухары инженернэй, техническэй өттүн бэйэлэрэ хааччыйаллар. Онон хаачыстыбаҕа эппиэтинэстээхтик сыһыаннаһалларын бэдэрээттээх тэрилтэ этэр.

Андрей Суслов, "ВИС" хампаанньа генеральнай дириэктэрэ: «Сам объект уникальный, строится со всеми климатическими нормами».

Тутуу болльоҕунан баран иөэр, онон ыйыллбыт кэмигэр, бу сайын балыыһа үлэҕэ киириэҕэ.