Дьокуускайга нейронаука - медицинэҕэ диэн ис хоһоонноох бүтүн дойдутааҕы кэмпириэнсийэ буолла

Кэмпириэнсийэҕэ быйыл 43 регионтан неврология хайысхатынан бастыҥ быраастар муһуннулар. Саха сиригэр бу кэмпириэнсийэ 3 сылын ыытыллар, быйыл сүрүн уратыта диэн дойду уонна норуоттар икки ардыларынааҕы таһымҥа тахсан кытааччы ахсаана биллэ элбээтэ. Мэйии уонна нейротехнология федеральнай киинин салалтата кыттара тэрээһин дьоһун суолтатын мэктиэлиир. 

Станислав Жирков, СӨ 1-кы №-дээх балыыһатын генеральнай дириэктэрэ: «Кытай, ОАЭ уонна Казахстан кэллиэгэлэрбит манна бэйэлэрин үлэлэрин кэпсиэхтэрэ уонна дакылааттарын. Бу кэмпириэнсийэ биһиэхэ олус туһалаах».

Дойду сүрүн экспердэрэ кыттыылаах научнай былаһааккаҕа ньиэрбэ систиэмэтин, нейрону, мэйиини кыта сибээстээх ыарыылары үөрэтии, чинчийии уонна эмтээһин дьүөрэлэһиилэрин дьүүллэһэллэр. Ол курдук нейро генетика, нейро биология, нейротехнология наукалара ниэрбэ ыарыыларын көдьүүстээхтик эмтииргэ туһаныллара билиҥҥи кэм ирдэбилэ. 

Игорь Вознюк, Санкт-Петербург сүрүн невролога: «Все что делается на сегодняшний день в науке постепенно перемещается в практическую медицину. За собой влечет снижение летальности, повышают доступность современных методов и госпитальной базы».

Саха сиригэр икки сыллааҕыта мэйии уонна нейрогенетика Киинэ аһыллан үлэлиир. Саҥа киин 4 сүрүн хайысханы сүрүннүүр.  Ол курдук манна ньиэрбэ систиэмэтин, сүрэх-тымыр, генынан бэриллэр ыарыылары үөрэтэллэр. Өрөспүүбүлүкэбитигэр саамай тэнийбит ыарыыларынан инсульт, цереброваскулярнай патология уонна мэйии килиэккэлэрэ аччыыр, ол эбэтэр паркинсон, альцгеймер, деменция курдук ыарыылар буолаллар.

Алексей Таппахов, СӨ 1-кы №-дээх балыыһатын мэйиигэ уонна нейрогенетикаҕа киинин салайааччы: «Биһиги ньиэрбэ ыарыылаарын үөрэтэбит, научнай-практическай чинчийиилэри ыытабыт. Ону таһынан доруобай киһи мэйиитин эмиэ үөрэтэбит, ол курдук психологтар эмиэ үлэлэһэллэр. Практическай медицинэҕэ төһө кыайарбытынан саҥа технологиялары киллэрэ сатыыбыт».

Маны тэҥэ былырыын медицинэ национальнай киинигэр өрөспүүбүлүкэтээҕи эпилепсия биир кэлим киинэ аһыллан үлэтин саҕалаабыта. Манна исписэлиистэр улахан дьоҥҥо уонна оҕолорго диагностиканы ыытан уонна эмтиир ньымалары талан көмө оҥороллор. Кэмпириэнсийэ 2 күн устата барда. Түмүккэ быраастар уопут, билии атастаһан сана технологиялары киллэриигэ үлэ былаанын ылыннылар.