"Вести Саха" - 20 сыл бииргэ

Өрөспүүбүлүкэ хас биирдии муннугар "Вести Саха" сонуннара. Россия 1 ханаалын нөҥүө көрөөччүлэр Саха сирин сибиэһэй иһитиннэриилэрин билэ олороллор. Федеральнай ханаал сонуннара өрүү  итэҕэтиилээх уонна үрдүк таһымнаах.

Мария Егорова, Таатта улууһун олохтооҕо: "Вести Саха" сонуннарын сөбүлээн көрөбүн, сонуннарын наар истэбин".

"Вести Саха" сонуннара 20 сыл бииргэ.  Бу кэм устата үүнэн-сайдан өрөспүүбүлүкэ  олохтоохторугар сибиэһэй, интэриэһинэй сонуннары хас күн ахсын бэлэмниир.  Корреспондент, оператор, монтажер, режиссер. Биир улахан хамаанда үлэтэ.

"Кулун тутар 14 күнүгэр 2005 сыллааха "Вести Саха" бастакы эфирэ күөх экрааҥҥа тахсыбыта. Хайдах этэй? Историяны сэгэтиэххэ", - Анастасия Добрянцева, корреспондент.

Ол кэмтэн ыла күннэтэ биһиги хамаандабыт сонуннарын, күндү көрөөччүлэргэ экран нөҥүө ыытааччылар тириэрдэллэр. Быһа эфир үлэтэ улахан эппиэтинэс, биир да сыыһаны билиммэт сыралаах үлэ.

Нюргуяна Феоктистова, "Вести Саха" информационнай биэрии ыытааччыта: "Вести Саха" сонуннарга мин 2005 сыллаахтан үлэлиибин. Ол эбэтэр номнуо 20 сыл буола охсубут эбит. Онтон ыла биһиги эдэр, тэтимнээх, эрчимнээх кэллэктииппит үүнэр-сайдар. Күннэтэ өрөспүүбүлүкэ соннуннарын көрөөччүлэргэ анаан тириэрдэргэ туох баар кыһамньыбытын барытын уурабыт".

"2018 ыллаахха хампаанньа сыыппараҕа көспүтэ. Бу кэмтэн биэрии хаачыстыбата биллэ тупсан, өрөспүүбүлүкэ олохтоохторо саамай үчүгэй өҥнөөх хартыынаны көрөр буолбуттара", - Анастасия Добрянцева, корреспондент.

Ханаал сайдыытыгар дьоһун кылаатын киллэрбит биһиги бастакы салайааччыбыт Харлампий Дьяконов. Сыыппараҕа көһүүгэ үтүмэн үлэни ыытан хамппаанньа үлэтин үрдүк таһымҥа таһаарбыта. Кини нэһилиэстибэтэ үйэлэргэ умнуллубат, сүҥкэн кылаат. 

Григорий Соловьёв, ГТРК "Саха" хампаанньа производственнай-техническэй салаатын салайааччыта: «Биһиги тэрилтэбит аныгы үйэ телевидениетын ирдэбилигэр толору эппиэттиир. Ол курдук 8 сыллааҕыта биһиги сыыппараҕа көспүппүт, бастакы мультиплекска. Өрөспүүбүлүкэ бары муннуктарыгар биһиги көстө турабыт".

"Вести-Саха" күннэтэ тахсарыгар улахан өҥөнү корреспонденнар  оҥороллор. Икки блогунан хайдан уопсайа 10 суруналыыс сонуннары таҥар, устууларга сылдьар, тиэкиһи суруйар. Биһиги корресппонденнарбыт өрөспүүбүлүкэ бары муннуктарыгар тиийэн үлэлииллэр, улуус, киин куорат  олоҕун дьэҥкэтик көрдөрөллөр.

Ирена Осипова, "Вести Саха" информационнай биэрии корреспондена: "Биһиги билигин хаар ыраастааһынын үлэтин уста сылдьабыт. Уопсайынан бэйэбит тиэрмиммитинэн эттэххэ биһиги "хонууга" үлэлии сылдьар дьон буолабыт, корресподеннар. Күн аайы араас тиэмэни сырдатабыт. Бүгүн хаар хомуйааһына, сарсын тыа хаһаайыстыбата буолуон сөп".

Сонуну хартыына кэпсиир. Онон оператор үлэтиттэн көрөөччү сюжеты хайдах   ылынара быһаччы тутулуктаах. Билигин хампаанньаҕа 7 оператор үлэлиир. Хас биирдии үлэһит ураты көрүүлээх, буочардаах.

Саскылаан Копырин, "Вести Саха" информационнай биэрии оператора:  "Вести Саха" оператора барытыгар бэлэм буолуохтаах. Араас буолуон сөп. Холобур, сарсыарда ханнык эмэ оройуоҥҥа ыытыахтарын сөп, онтон киэһээ уже ДП-1 үлэлии сылдьар буолуоххун сөп".

«Сайдыы суола бүттүүн хамаанда үлэтинэн сыаналанар. Күн бүгүн өрөспүүбүлүкэ  саамай интэриэһинэй сүрүн сонуннарын дойду таһымыгар биһиги халаалбыт сырдатар”, - Анастасия Добрянцева, корреспондент.

ГТРК "Саха" хампаанньа олоҕу кытары тэҥҥэ хардыылыыр. 2022 сыллаахха сана сайт арыллан үлэтин саҕалаабыта. Манна мүнүүтэ аайы саҥардыллыбыт, сибиэһэй сонуннар тахса тураллар.

Мария Дмитриева, "Вести Саха" информационнай биэрии корреспондена, "Gtrksakha.ru" сайт редактора: "Биһиги сайтпыт 3 сылы кыайбат кэмҥэ үлэлиир. Бу кылгас кэм иһигэр бэйэбит туспа көрөөччүлэннибит, ааҕааччыланныбыт диэххэ наада".

Телевидениены кытары дьүөрэлии ГТРК “Саха" хампаанньаҕа "Радио России “Саха" диэн ааттаах 104,9 долгуҥҥа радио үлэлиир. Эмиэ икки тылынан хайдан, радиодолгуҥҥа сибиһиэй, өрөспүүбүлүкэ сонуннара тахса тураллар.

Кыыдаана Иванова, Радио России "Саха" шеф-редактора

Телевидение "Вести Саха" эмиэ биир сиргэ турбат. Саҥа бырайыактар салаллан арылла тураллар, көрөөччүлэри үөрдэллэр.

Ольга Степанова, "Вести Саха" информационнай биэрии шеф-редактора: «Саха блогар "Вести Саха" эрэ буолбакка биһиги өссө атын биэриилэрдээхпит. "Сахам сирин сарсыардата" бээтинсэҕэ тахсар. Суббуотаҕа биһиги "Аһаҕас кэпсэтии" биэриини эмиэ быһа эфирга таһаарабыт".

"Вести Саха" 20 сыл бииргэ. Өссө инникибит диэки эрэллээхтик хаамабыт, историяны оҥоробут.

Татьяна Николаева, "Вести Саха" информационнай биэрии корреспондена: "Биһиги историяны оҥорор буоллахпыт дии. Кэнэҕэски көрөөччүлэрбитигэр да хаалларарбытыгар матырыйаалы барытын таҥан, харайан иһэбит”.

2009 сыллаахха ГТРК "Саха" хампаанньа өрөспүү буолбатах, историяҕа киирэр бэлиэ түгэни бэлэхтээбитэ. Бастакы "ТЭФИ-ны" биһиги тэрилтэбит Саха сиригэр аҕалары ситиспитэ. Ол кэмтэн ыла бу кэрдииһи тутан үлэ бара турар.

Ирина Гоголева, ГТРК "Саха" хампаанньа дириэктэрэ, "Гражданскай килбиэн" бэлиэ хаһаайына: "Сегодня компания  ГТРК "Саха" успешно развивается. 3 год подряд мы входим в 10 самых цитируемых СМИ республики. И надо сказать, что ТВ по прежнему остается основным источником получения информации для людей, и поэтому нам только остается надо еще дальше, больше  работать, чтобы наш зритель получал достоверную и оперативную информацию".