Анал байыаннай дьайыы кыттыылаахтарыгар көмө салҕанар
Главное
-
11 марта в 16:43Вместо гаджетов. Как в Якутске верховая езда становится популярным увлечением школьников
-
11 марта в 16:29Жизнь без воды. Как жители дома в микрорайоне Марха борются за удобства
-
11 марта в 16:10Сезонные вирусы. В Якутии за неделю зарегистрировано около 8 тысяч новых случаев заболевания ОРВИ
-
11 марта в 15:47На стыке искусства и инноваций. В Якутске продолжается строительство Арктического центра
Донбасс өйөбүлүгэр диэн Хотугулуу-илиҥҥи пуонда Саха сиринээҕи салаата Дьокуускайтан хас да тиэхиньикэни анал байыаннай дьайыыга ыытта. Манна тэрилтэттэн, улуустартан тиэхиньикэ кэлэ турар. Ааспыт сылга пуонда 136 тиэхиньикэни хомуйан анал байыаннай дьайыыга көмөҕө ыыппыта.
Алексей Егоров, Донбасска көмөлөһөр уонна өйүүр Хотугулуу-илиҥҥи пуонда үлэһитэ: "Билигин 13 массыына барарга бэлэм. Манна 8 көлө баар итиэннэ баран иһэн Алдантан, Нерюнгриттан ылан ааһаллар. Бу массыыналары кытта быһыылкалар бараллар".
Амарах сүрэхтээх волонтердар, ийэлэр, эбээлэр анал байыаннай дьайыы кыттыылаахтарыгар анаан таҥас-сап тигэллэрэ тохтообот. Маны таһынан тэрилтэлэр, түмсүүлэр байыастарбыт дурдалаах-хаххалаах буоллуннар диэн анал сиэккэ өрөллөр.
Өрөспүүбүлүкэҕэ анал байыаннай дьайыы кыттыылаахтарыгар уонна кинилэр дьиэ кэргэттэригэр социальнай көмө салҕанан барар.177 ыал бэйэтин олорор дьиэтин гаас ситимигэр холбоото. 597 төрөппүт санаторнай-куортнай эмтэниини аастылар.
Георгий Степанов, СӨ Бырабыыталыстыба бэрэссэдээтэлин солбуйааччы: "439 байыас дьиэ кэргэннэрин чилиэнэ бааһырбыт байыастар эмтэнэр сирдэригэр барар-кэлэр кыаҕы ыллылар. Үлэлээх буолуу кииннэригэр 726 киһи кэллэ, олортон 249 анал байыаннай дьайыы кыттыылаахтара, бэтэрээннэрэ уонна 477 кинилэр дьиэ кэргэттэрэ. Бу дьон ахсааныттан үлэлээх буолуу кииннэрэ 155 киһини анал үөрэхтээһин куурсугар ыыттылар, онтон атыттарыгар үлэ миэстэтэ булулунна ".
Өрөспүүбүлүкэ балыыһаларыгар, социальнай тэрилтэлэригэр 1100 байыас уонна 1949 байыастар дьиэ кэргэттэригэр медицинскэй, социальнай көмө оҥоһуллунна.
Асида Алексеева, Өрөспүүбүлүкэтээҕи социальнай - чэбдигирдэр киин дириэктэрэ: "Ону таһынан нэдиэлэҕэ иккитэ бассейн сылдьаллар уонна Арчы дьиэтигэр барыларын кытыннарабыт. Кииммитигэр хас биирдии олохтооһун аайы мунньах ыытабын. Байыаннай прокуратураттан, социальнай харысхалтан, Аҕа дойдуну көмүскээччилэр пуондаларыттан исписэлиистэри ыҥырабыт".
Маны таһынан хас биирди байыас дьиэ кэргэнигэр күүс-көмө, өйөбүл тохтообокко ыытыллар. Дьиэ тэлгэһитин хаартан ыраастаан, маһы таһан-хайытан көмөлөһөллөр. Манан үлэ тохтообот.
