Тиэхиньикэни тымныыттан харыстыырга аналлаах ньыманы Саха сирин учуонайдара айдылар

Томороон тымныыларга абыраллаах тэрили Хотугулуу-Илиҥҥи федеральнай университет биир тутаах үлэһитэ, техническэй наука кандидата, магистрант-инженер Евсей Анисимов айан-тутан таһаарбыт. Бу көстөр каадырдарга "Гараж-багаж" диэн ааттаах кини толкуйунан оҥоһуллубут ньыманы көрөҕүт. Аҕыйах мүнүүтэ иһигэр хомуллар, тимир көлө араас көрүҥүн ириэрэргэ, өрөмүөннүүргэ туттуллар саҥа сүүрээн киллэрии.

Евсей Анисимов, М.К.Аммосов аатынан ХИФУ автодорожнай факультетын доцена, техническэй наука кандидата: «Кыра массыынаҕа эрэ буолбахха тиэхиньикэҕэ эмиэ. Тыа сиригэх хаһаайыстыбаларга тиэхиньикэлэрин кыһынын сүүрдэллэригэр “Автономный модуль” диэн оҥорон таһаарбыппыт».

Манна чопчулаан этэххэ, бу бырайыактан өссө салҕанан, саҥа арыйыылар тахсыбыттар. Ол курдук, билигин Евсей Евсеевич букатын 5 патены тутан олорор. Отто бу буоллаҕа өй күүһэ.

Евсей Анисимов, М.К.Аммосов аатынан ХИФУ автодорожнай факультетын доцена, техническэй наука кандидата: «Сылытыы чааһыгар – “Переносной газовый обогревать” диэн ааттаах. Бу бырайыакка хас да патент баар. Бу ньымаҕа авторскай бырааптаахпыт».

Судургу тылынан этэр эбит буоллахха, тымныы кэмҥэ тиэхиньикэ алдьанар түгэнигэр, ыксаллаах быһыы-майгы буолар түгэнигэр бу гараж-багааһы тутатына хомуйа охсон, ититэр ситими холбоотун даҕаны, бу иһэ сылыйан, үлэлииргэ табыгастаах буолар.

Евсей Анисимов, М.К.Аммосов аатынан ХИФУ автодорожнай факультетын доцена, техническэй наука кандидата: «Тыа хаһаайыстыбатыгар сокуон киирэн, кыыллар отхуоттарын туттар гына быһаарыан сөп».

Билигин рационализатор-чинчийээччи былаана киэҥ. Тымныы усулуобуйаҕа туттуллар бырайыагын киэҥ араҥаҕа таһаарар соруктаах.