Дьокуускайга "Кустук тахсар Аммабар" диэн быыстапката турда
Главное
-
1 июня в 00:33Прогноз погоды в Якутии на 1 июня
-
31 мая в 13:40Экстренные службы Якутска провели для юных горожан мероприятие в честь Дня защиты детей
-
31 мая в 12:05Гидрологическая обстановка на реках Якутии 31 мая на 18:00
-
31 мая в 10:25Жителей Якутии приглашают принять участие на конкурс "Знай наших"
Айылҕаттан талааннаах, биллэр худуоһунньук Николай Рязанскай мээнэҕэ айар быыстапкатын "Кустук тахсар Аммабар" диэн ааттаабатах. Кини Амма кэрэ айылҕатын, тыа олоҕун, дьоллоох оҕо сааһы, олоҥхону дьүһүйэн хартыынаҕа түһэрэр.
Николай Рязанскай, худуоһунньук: «Олонхоҕо ылыстым. Уратым диэн бэйэм айан оҥоруу. Балтым Рязанская Наталья, суруйааччы. Кини тылын-өһүн хартыыналары көрөн олорон айда».
Худуоһунньук хас биирди үлэтэ ураты, аптаах. Холобура бу Удьурхай Боотур туһунан уруһуйдаабыт үлэтэ дириҥ ис хоһоонноох. Боотур күн сирин көрүөҕүттэн, улаатан уһуйуллан, тапталын көрсөрүн, олоҕун барытын хартыынаҕа уратытык суруйбут.
Худуоһунньук үлэлэрэ Саха сиригэр, Арассыыйаҕа билэллэр, элбэх киһи биһирэбилин ылаллар. Кини быыстапкаҕа эрэ буолбакка, үөрэх кыһаларынан, оҕо уһуйааннарынан сылдьан аптаах хартыыналарын көрдөрөр, кэпсиир.
Дмитрий Наумов, Саха норуодунай суруйааччыта: «Биһи биир көлүөнэ дьон оҕолоробут. Аҕаларбыт оҕо эрдэриттэн доҕордор этэ. Үөрэммэтэх киһи диэтэххэ, хайдахтаах киэҥ фантазиялаах, улахан толкуйдаах киһи үүнэн тахсыбытыттан наһаа үөрэбин уонна киэн туттабын. Кини хартыыналарыгар биһи дьолбут олоҕо».
Худуоһунньук Николай Рязанскай айар быыстапкатыгар барыта 30-тан тахса үлэ көрдөрүүгэ турда. Быыстапка Үргэл арт галереяҕа олунньу 28 күнүгэр диэри көрдөрүүгэ туруоҕа.
