Дьокуускай урукку үйэҕэ бырайыактара быыстапка

Дьинэр бу барыайыак олоххо киирбитэ буоллар Дьокуускай куораппыт күн бүгүн олох атын көстүүлээх буолуохтааҕын тустаах исписэлиистэр кэпсииллэр. Дьокуускай бырайыактарын кэпсиир ураты быыстапка национальнай библиотекаҕа турда.

Анна Таппырова, СӨ национальнай библиотека сэдэх кинигэлэри үөрэтэр, чинчийэр киинин сэбиэдиссэйэ: "Бу каартаҕа көрөрбһтһнэн Дьокуускай олох атын көстүүлээх. Холобур, уопсастыбаннай киин баар буолуохтаах этэ. Бу былааны Ленинградка баар куораттары былаанныыр институкка оҥорбуттара. Хомойуох иһин, бу былаан сүрүн чааһа олоххо киирбэтэх. ".

Ол кэминээҕи докумуоннар, альбомна тиһиллибит хаартыскалар, архитектордар чинчийбит суруктарыттан быһа тардыылар, үлэлэрэ улахан интэриэһи тартылар. Холобур,  худуоһунньук, кыраайы үөрэтээччи Пантелеймон Попов 1916 сыллаах Дьокуускай куорат былаанын оҥорон хаалларбыт үлэтэ элбэх киһи сэҥээритин ылла.

Анна Таппырова, СӨ национальнай библиотека сэдэх кинигэлэри үөрэтэр, чинчийэр киинин сэбиэдиссэйэ: "125 куорат кыбаарталын эбийиэгэ ырытыллан бу атласка киирбит. Хас сирэй аайы бу кыбаарталга кимнээх олорбуттара, хайдах былааннаахтык тутуу барбыта барыта кэпсэнэр".

Манна хас биирдии турбут экспонат дириҥ ис хоһоонноох, улахан историческай суолталаах. Төһө да сыл-хонук, элбэх бириэмэ аастар бу докумуоннар умнуллубаттар.

Анна Таппырова, СӨ национальнай библиотека сэдэх кинигэлэри үөрэтэр, чинчийэр киинин сэбиэдиссэйэ: "Сыаннастара өссө үрдээн иһэр. Көрдөрүүгэ дьиҥ оччотооҕу кэм карталара турдулар".

Историяны кэрэһилиир быыстапка национальнай библиотекаҕа олунньу 28 күнүгэр диэри көрдөрүүгэ туруоҕа.