Дьокуускайга Арассыыйа үтүөлээх худуоһунньуга Даши Намдаков анал быыстапката арылынна

Ааттаах скульптар, худуоһунньук Даши Намдаков боруонсаттан оҥоһуллубут үлэлэрэ Аан дойду үрдүнэн элбэх киһи сэҥээритин ылар. Худуоһунньук быыстапката элбэх Дойдуга көрдөрүүгэ турбута, аны Саха сиригэр турда. Бу түгэни элбэх киһи күүппүтэ.

Холобура биһиги көрөбүт кэлбит дьон интэриэһин таппыт, толкуйга түһэрбит үлэтин. Бу үлэҕэ хас биирди киһи күн иһигэр санаата уларыйарын, эмиэ да үөрэр, хомойор туругун көрдөрөр.

Худуоһунньук Саха сиригэр кэлиэн баҕарбыта ыраатта. Саха норуотун култууратын, төрүт үгэстэрин, олоҕун-дьаһаҕын өссө диринник билээри, иҥэрээри түгэн көһүннэ диэн үөрэр.

Даши Намдаков, скульптор: «Посмотрите на ювелирные украшение, это всё что лежит у нас под землёй, делали наши предки веками, тысячелетиями. Великие учителя говорят: если ты бронзу отлил, значит ты несёшь ответственность. Ты не можешь вещь, которую ты не любишь, отлить в вечный материал, потому что бронза будет вечно».

Бу быыстапка Саха сиригэр турбута, худуоһунньукка тус бэйэтигэр улахан суолталаах. Кини манна чугас дьонноро, бииргэ үөрэммит доҕотторо бааллар. Итиэннэ махтана саныыр, уһуйааччыта, биллэр саха скульптара Иннокентий Пахомов дойдута буолар.

Николай Огонёров, скульптор: «Бииргэ үөрэммиппит, биир хоско олорбуппут, оҕолорбут бииргэ улааппыттара. Иркутскайга буолбута онтон Москваҕа Третьяковскай галереяҕа буолбута. Онно үс эрэ скульптор быыстапката тура сылдьыбыта».

Бу быыстаапка худуоһунньук дойдуга тапталы, айылҕаҕа чугас буолууну, номоххо киирбит дьүһүйүүлэри итиэннэ түүр омуктар култууралара ыкса ситимнээҕин көрдөрөр. 

Сергей Местников, СӨ Бырабыытылыстыбатын бэрэссэдээтэлин солбуйааччы: «Кини оҥоһуктара биһи норуоппут култууратын кытта ыкса ситимнээх. Ол курдук көс омуктар култууралара. Монгол, түүр хааннаах омуктар олохторо, үлэлэрэ-хамнастара, кинилэр ис туруктара бу оҥоһуктарга көстөр. Ол иһин биһи бэлиэтиибит. Бу быыстапка Саха сиригэр сүрдээх үрдүк биһирэбили ылар».

Даши Намдаков ураты быыстапката национальнай ойулуур-дьүһүннүүр түмэлгэ балаҕан ыйын 17 күнүгэр диэри туруоҕа.