Росгвардия көрдөрөр-иһитиннэрэр салаата төгүрүк даататын бэлиэтиир

Броник, кааска бэриллэн, аны салгыы бэстэлиэт туттарыллар. Оттон бу Росгвардия тас тэрилтэлэри харыбыллыыр салаатын биир тутаах үлэһитэ, пресс-сулууспа байыаһа Валерий Миронов сарсыардааҥҥы үлэтин сиэрин көрөҕүт. Билигин кини сулууспатын таҥаһын-сабын, тус малын-салын ылла. Кини төһө да көрдөрөр-иһитиннэрэр эйгэ үлэһитэ буоллар, байыаннай сулууспалаах киһи.

Валерий Миронов, РФ Росгвардиятын федеральнай сулууспатын Саха сиринээҕи салалтатын тас тэрилтэлэри харыбыллыыр салаатын  пресс-сулууспатын үлэһитэ: "Харабыллыыр эбийиэккэ быһылаан тахсыбытын туһунан сигнал киирдэҕинэ бэрт кылгас кэм иһигэр сүүрдэн тиийэбит, бары түргэн туттуулаах дьон үлэлииллэр. Мин бэйэм полицейскай дуоһунаһыгар үлэлээбит буоламмын бу үлэни нэһилиэннэҕэ сырдатыыга улахан уустуктары көрсүбэппин. Онон дьон-сэргэ Росгвардия үлэтин сиһилии билэригэр пресс-сулууспа үлэтэ улахан суолталаах дии саныыбын".

Росгвардия пресс-сулууспатын историята 1995 сыллаахтан саҕаланар. Аан бастаан Ис дьыала уорганнарын иһинэн пресс-бюро курдук тэриллибитэ. Онтон 2016 сыллаахха бүтүн департамент арыллыбыта.

Алексей Сивцев,РФ Росгвардиятын федеральнай сулууспатын Саха сиринээҕи салалтатын  пресс-сулууспатын үлэһитэ: "2016 сыллаахха Росгвардия Бүтүн Россия үрдүнэн тэриллэн саҕалыаҕыттан күн бүгүнүгэр диэри үлэлии сылдьабыт. Ол кэмтэн ыла көрдөрөр-иһитиннэрэр салаа диэн тэриллибитэ".

Күн бүгүн РФ Росгвардиятын федеральнай сулууспатын Саха сиринээҕи салалтата тэриллиэҕиттэн,  пресс-сулууспаны полиция полковнига Елена Антипина салайар.  Ол кэмтэн ыла үлэ үтүмэнэ ыытыллынна. Росгвардия үлэһиттэрэ пресс-сулууспаны кытары ситимнээхтик үлэлииллэр.

Егор Карамзин, РФ Росгвардиятын федеральнай сулууспатын Саха сиринээҕи салалтатын тас тэрилтэлэри харыбыллыыр салаатын үлэһитэ, полиция аҕа прапорщига: "Биһиги пресс-сулууспа үлэһиттэр уонна суруналыыстар сырдатар матырыйаалларыгар сүрүн дьоруойдар буоларбут быһыытынан, кинилэр биһиги үлэбит үтүө өрүттэригэр болҕомто уураллар ".

Бу курдук биэдэмистибэ байыастарын маныаха көрдөрөр-иһитиннэрэр эйгэ үлэһиттэрин кытары ыкса бу салаа номнуо 30 сылын үлэлиир.

Сыл саҕаланыаҕыттын тустаах салаа уопсайа 2615 иһитиннэриини көрдөрөр эйгэҕэ таһаарда. Онтон 613 куйаар ситимигэр уонна хаһыат, телевизор, радио нөҥүө сырдатыллыннылар.