Кириһиэнньэтээҕи күннэргэ бэлэмнэнии саҕаланна

Үгэскэ кубулуйбут Кириһиэнньэ ойбонун Дьокуускай куорат Күөх хонуутугар оҥорон бэлэмнээн эрэллэр. Билигин тэрээһин ыытыллар сирэ олоччу хаартан ыраастанна, ойбоҥҥо киирэр суоллар оҥоһулуннулар. Уу боруобата ылыллынна.

Татьяна Степанова, РФ ЫБММ салалтатын СӨ уу эбийиэктэригэр куттал суох буолуутун хааччыйар салаа салайааччытын солбуйааччы: «Тохсунньу ый 18-19 күннэригэр өрөспүүбүлүкэ үрдүнэн Кэрэһиэнньэ кэмигэр ойбоҥҥо сөтүөлээһин ыытыллар. Ол хайысханнан бэлэмнэнии үлэтэ ыытыллар. Дьокуускай Күөх хонуутугар ГИМС инспиэктэрдэрэ муус халыҥын кээмэйдээтилэр».

Быйыл Кириһиэнньэ сөтүөтэ тохсунньу ый 17 күнуттэн саҕаланыаҕа. Бу күн ойбону аҕабыыт алҕаабытын кэнниттэн, ким баҕалаах сибитиэй  ууга киирбитинэн барыаҕа. Тэрээһин этэҥҥэ ааһарыгар туох баар сулууспалар күүһүрдуллүбүт эрэһиимҥэ үлэлиэхтэрэ.

Виталий Осипов, ЫБММ СС салалтатын алын суудуналарга судаарыстыбаннай инспекциятын 1№-дээх Дьокуускайдааҕы салаатын салайааччыта: «Крещенский городок, на данный момент ведутся подготовительные работы. Инспектора ГИМС провели замеры тольщины льда. Также, в период празднования будет осуществяться круглосуточное дежурство».

Маны таһынан билигин Дойду үрдүнэн ууга сэрэхтээх буолуу ыйынньыга салҕанар. Ол чэрчитинэн инспиэктэрдэр уу эбийиэктэригэр үлэлии-хамсыы сылдьар дьону кытары профилактическэй үлэлэрин ыыталлар. Бу күн 202-ис түөлбэҕэ дьэндэтиллэн эрэр муус куоракка сэрэтии бэсиэдэтэ ыытыллан, сэрэхтээх буолууга болҕомто уурулунна.

Виктор Стручков, Нам улууһун олохтооҕо: «Сыырдары оҥоро сылдьабыт. Ууга сэрэхтээх буолун дииллэр. Муус халыҥ».

Уу эбийиэгэр сэрэхтээхтик үлэлиэхпит диэн бигэ тылларын эппит туоһу - эр дьон илиилэрин баттаан, мэктиэлээтилэр. Оттон манна даҕатан эттэххэ, билигин Саха сирин үрдүнэн 38 муус суола арыллан үлэлии турар.

Татьяна Степанова, РФ ЫБММ салалтатын СӨ уу эбийиэктэригэр куттал суох буолуутун хааччыйар салаа салайааччытын солбуйааччы: «6 федеральнай суолталаах, 4 өрөспүүбүлүкэтээҕи, 28 муниципальнай. Убастабыллаах суоппардар, анаан оҥоһуллубут муус суолларынан айаннаан. Көҥүллэмит ыйааһыны, суол бэлиэлэрин булгуччу тутуһун».

Санатар эбит буоллахха, Кириһиэнньэ сөтүөтэ тохсунньу ый 17 күнүттэн саҕаланыаҕа. Дьокуускай куорат Күөх хонуутугар үгэс быһыытынан автобустар сылдьыахтара.