Саха сиригэр 2025 сылга 48 тыһ. тахса киһини саҥа дьиэлиэхтэрэ

Өрөспүүбүлүкэҕэ быйыл барыта 41 тыһыынча кэриҥэ киһи хаарбах дьиэттэн көстө. Биллэн турар, бырагыраамаҕа хапсар дьиэ үгүс өттө Дьокуускай куоракка.

Вадим Семёнов, Дьокуускайдааҕы Дьиэ-уот сыһыаннаһыыларын департаменын дириэктэрин солбуйааччы: «Билиҥҥи бырагыраамаҕа 162 элбэх кыбартыыралаах дьиэ киирэн турар. Ол былаантан 98% ситистибит. Элбэх ыал номнуо саҥа кыбартыыра ылбыта».

Халлаан туран биэрэн хаарбах дьиэлэри көтүрүү билигин да тохтообокко бара турар. Инникитин "Спортивнай" диэн түөлбэ буолуохтаах 17 кыбаарталга үлэ ыытыллар. Күн бүгүн 6 дьиэ олохтоохторо көстүлэр. Оттон бырайыак толору олоххо киирдэҕинэ бу манна тупсаҕай көрүҥнээх дьиэлэр дьэндэһиэхтээхтэр.

Көһөрүү бырагырааматын иккис түһүмэҕэ 2019 сылтан 25 сылга диэри үлэлиир болдьохтоох. Үбүлээһин 31 миллиард солкуобай итэҕэстээх. Онон  хаалбыт 210 кв митэрэ үһүс түһүмэххэ көһөн биэрэр. Оччотугар күн бүгүн саха сиригэр 1410000 кв. миэтэрэ иэн хаарбах туруктаах. Бу сүрүннээн 17 кыбаарталы хаарыйар.

Дмитрий Садовников СӨ Бырабыыталыстыба бэрэссэдээтэлин бастакы солбуйааччы: «Элбэх дьиэ көспөккө турар, харчы тиийбэт түгэниттэн буолар. Ол гынан баран бу бырагыраама тохтообот, салгыы барыа. Арассыыйа Бэрэссидьиэнин сорудаҕа баар, 2030 сыллаахха дылы Дьокуускай куоракка хаарбах дьиэни суох оҥорорго диэн».

Итини сэргэ олох-дьаһах кодексатыгар киирээри турар уларыйыы тула норуот депутаттара дьүүллэстилэр. Манна саамай сытыы пуунунан хаарбах уонна саҥа бэриллэр дьиэ сыанатын араастаһыытын бас билээччи бэйэтэ төлүөхтээх диэн ыйыллар. Билигин регионнарынан ырытыһыы барар турар.